Bawngkawn peng\huam ram hralh dan sawi hi tak tak a nih chuan MNF Vice President fanute nupa chu an va hlawk awm ve.
Marama, Kolasib
————–
He Mizoram Kristian rama Mizo Kristiante hian Bible/Pathian thuin Lal Isua’n sual do dan tur min hrilh ang hian kan rama sualnate hi kan do ngam tak tak em le? Pathian thuin sual a tih tak mai hi kan haw ngam tak tak em le? Mizoram Kristiante hi Rev. Chanchinmawia (L) Khatla Pastor ang chiah khan kan ram sualnate hi kan do ngam ve tak tak em le? Pathian Biak In chhung a\ang chauh hian kan rama sualnate hi kan do ngam chauh mai ta em ni le? Bible-in, “Sual dovin, thisen chhuak khawpin in la \ang lo ve” min tih hi kan ngam ve tak tak em le?
8014161467
————-
Zoram politics kal vel dan hi chunglam a\anga hmu rengtu hian engtin tak ngai ang maw? Engkim chiang takin a hmu reng sia le. Dawta inpuh, midang aia \haa inngai tlat, midang tlin lohna hmu thei leh hre thei em em, mahni engmah ni si lo kan virvel hut hut mai zawng a nih hi. Kan ram hi a damlova, chhanchhuaktu a va mamawh em. A thau sawka intih len tum vek kan ni si a, eng party mah hi \ha tak tak an awm lo. Mipui lah hi bum kan nuam em ema, kan harh thei mawlh lo a ni e. Tun \um election-ah hi chuan i harh teh ang u. Congress hi tun dinhmunah hian tuipuia lawng karfung nei lo, lawng keha tui lut mek ang a ni a, a pil mai ang tih a va hlauhawm em. MNF hi silaimu nei lova ramsa pel ang a ni a, ZPM ho hi thlawhtheihna tui nei lo ang a ni a, BJP ho lah nu leh pa chhan beiseia intihuai, tumah ngama hneh nei si lo ang a ni. A va beidawn thlak ve aw! Tun atana pawimawh ber chu tlawm ngam leh inthurual, a tawp thlenga ding thei, mahni inphat ngam te an ding chhuak dawn a ni. I lo thlir phawt mai teh ang aw.
No. thup
————–
Politics ngaihventu tam ber leh mipui tam zawk hian Pu Hawla hruai Congress sorkar hi a tlak mai an ring lo.
VL Ruata
————
ZPM hian sorkar an inring lovang tih chu hriat sa a ni. MLA hi pathum tal nei thei se an lawmpuiawm ngawt ang.
Lalthawvenga
———–
Kan ram hian a mamawh aia tam hmangaihtu a nei hi kan ram \hanmawh bawk a ni.
Duata pu
————
Taxi Driver drug addict leh Taxi driver \ha lo an tam lutuk a, chuvangin Taxi driver i lak dawn reng rengin a khalh hnuhnun ber Taxi neihtute kha a chanchin zawt hmasa zel rawh, i motor man to tak tak te kha accident i duh loh chuan.
Hmingsanga, Aizawl
———–
“Chhaktiang kawl rawnah hian leng mah ila, i sakhming sawi reng kan bang thei si lo” tia kan chhehvela Zohnahthlakten harsat manganah pawh an inhnemna ber, thingtinpar vulna ram, khawvel hmun tina Zofate in pui, hnam pasal\ha mi huaisenten nunna hlu taka an tlanchhuah Mizoram hi ruihtheihthila fihlim, ram tana mi huaisen, taima leh rem hria, sum a hnam hlutna hralh ve ngai lo leh Baal hmaa la \hing\hi ngai lo, buhfai Kg 1 Rs. 1-a thlemthluk ve mai mai theih loh, Pathian \ih mi ram hruaitu kan neih a hun ta. Lungrualna hi ram leh hnam tan himna kulhpui ber a lo ni e.
Tlabung Uitangrual
————
Kan Governor thar tur, Kerela BJP President ni mek Pu Kummanam Rajasekharan chu a Hindu ngawl tawt hmel hle mai. RSS leh VHP hruaitu hlui leh Hindu pawl hrang hranga inhmang \hin mi a ni. BJP leh an thawhpui Pu JV-a leh Babutea te chu an lawm viau turah ngai phawt i la. Mahse, keini secularism thuthlung vuantute tan erawh lawm viauna tur a awm hran lo.
Engpawh ni se Governor ruat theitu Central BJP sorkarin an rawn dah a ni miau si a, i lo thlir zel rih phawt mai teh ang.
Salem Vala
———-
Aizawl khawlaia bawlhlawh paih mai mai, chil chhak mai mai leh tibawlhlawh zawnga che te chu man theih an ni. Mahse tunge man dawn? Sorkar hian hemi bika duty tur hi siam se a va \ha ve. Motor a\anga chil chh^k, bawlhlawh paihte chu motor neitu emaw, enkawltuin emaw chawi zel mai se, hma laa duty tur hi siam thuai se a va duhawm dawn em. Man theih, chawi theih tih hi a rei ta riau mai, a takin hmuh a duhawm tawh hle mai.
LT Ralte
———-
Ni 27, Pathianni khan vanduaina a va thleng nasa em. A rapthlak takzet a ni. Truck-in a chil hlum hmeichhe tleirawl phei kha chu ka van khawngaih em. Aizawl chhungah hian motor a tamin traffic pawh a jam nasa thei hle a, Two Wheeler tam takin motor pelh tumin an overtake \hin a, a hlauhawmin fimkhur a ngai takzet a ni. Tin, motor khalh zingah hian rilru chhe deuh deuh hi an awm nual tih chiang takin ka hria a, hnunglama tlante ngaihtuah miah lova hmalam a awl duai pawha mahni speed-a muang deuh maia khalh hi an tam em em a ni. Chung chu a remchang laia han pelh dawna han tlan hian kan tlan pelh hma deuh si hian speed rawn up vak ching hi an tam khawp mai. Misual, mi rilru chhia, accident pawh tawk se pawi ti lo an ni tih a chiang reng. Kei ngei pawn ka tawng fo a ni.
8794519384
————
Kan ram hian ‘Ka ram a ni’ tia chhan ngam tak tak hruaitu hi a va mamawh tawh tak em. Kan ram chhete \henawm ten min nek pawn kan thinur viau si a. Mizoram ngawih ngawih ram zimte pawh Assam ramin min chuh tlat mai te hi chhan leh vang a awm ka ring tlat. Kan sorkar hian a sawi zuzi mai mai leh dawn a ang hle mai. Dawt dawt an sawi kual vel mai mai a ni. Anmahni ram bik te chu nisela an rapthlak ngawt ang. Chawk feltu aiin chawk buaitu an ni.
Marami Chawngthu
————
Kan Governor thar chu chanchin\ha hrilh nan a lo kal hnai a ni zawk mai lo’m ni le? Masihi Sangati te pawh kan awm a, Holy Bible te lo pek theih ni zawk se a va \ha awm ve aw!
Zopa
————-
Nizan \awng\airual kh^n Minister rual ho khan engtin nge an chham ve ang aw? |awng\ai thupui kha ZU zawrh tihtawp a nih theih nan tih kha a ni si a, a titawp theitute an ni bawk sia. Nge inkhawm lovin an mu vel ta mai mai zawk ang le Pu ZONET?
Lianvela
————-
Mizoram Governor thar BJP pachal chu lawm tur, lo huphurh ngawt loh tur. Kan ram kristian state kan chhuan em em maiah hian kan Lal Isua a ni tlat. Krista nun ze mawi te kan lo hmuh tir anga, a term a hman zawh meuh chuan kristian pachal chhuanawm zet hian a haw hnu hnu mai thei e.
RK Sanga
————-
Kan Governor thar tur chu khawte bengngawng a\ang hian Chanchinthar a\anga kan lo hriat ve danin HINDU BJP niin kan lo hria a, chuti te a lo nih si chuan kan ram lama Kristian BJP te leh Bhudish BJP te nen hian an inngeih lo anga kan buai nasa mai ang tih a va hlauhawm thur thur ve aw. Muslim BJP ni ta zawk se party \henkhat hian an sel tho ang em?
Tlangvala
————-
