Nepal khawpui, Kathmandu-a pathiannu, Kumari atan hmeichhe naupang kum thum mi ruat a ni a, pathiannu anga biak a ni ang. He thil hi hmasang a\anga an lo chin dan a ni a, Kumari thar, Trishna Shakya hi naktukah hriak an thih hnuah, an chenna in chhuahsanin, Durbar Square-a hmanlai lal inah, a enkawltu tura ruat bikten an enkawl chhunzawm ang. Trishna hi hmeichhe naupang pali zing a\angin Hindu puithiam, Uddhav Man Karmacharya-a’n a thlang chhuak a, a hmaa Kumari lo ni tawhte ang bawkin, Newar hnam zinga mi a ni a, a chenna lal in a\ang hian kum khat chhungin hun pawimawhah vawi 13 chauh a chhuah phalsak a ni tawh dawn a ni. Kumari hi Hindu leh Buddhist pathian lak kawp, Taleju pathiannu, mihring anga lo inlar anga ngaih a ni a, hmeichhia, \han thi la nei lote zing a\angin puithiamin a thlang chhuak \hin a, a ke-a lei a rah khap a ni. Kumari thlan dan hi a khirh hle a, an taksa peng tin chu sawisel bo-a hrisel leh him a ni tur a ni a, mi huaisen a nih a ngaih avangin inthawina ran talh a hmuh pawhin a \ap tur a ni lo.
Chanchin Thar Nepal Kumari thar ruat a ni
