Mizoram pum huapa tun thla ni 2, kar kal ta Thawh\anni a\anga Faina Hapta hman chu vawiin khan khar a ni. Aizawla he hapta kharna inkhawm, Chanmari YMA Hall-a vawiin chawhnua neihah Aizawl Mayor, Pu PC Lalhmingthanga chuan, Aizawl khawpui bawlhhlawh paihna atana kum khata sum dah chu Rs. 4,38,00,000/- a ni a, hei hi a tam tawk lo mai thei niin a sawi. Mayor chuan faina leh hriselna chu inzawm tlat a nih avangin Aizawl khawpui tibawlhhlawhtu, a chhunga chengte hian a tihfai lamah pawh mawh an phur a ni a ti a, a hmun lova bawlhhlawh paih leh chil chhakte thleng pawhin na taka hrem a la ngai dawn tih sawiin, upa lam-te chu zirtir harsa deuh mah se, naupangte rilru-ah fai pawimawhna leh duhna tuh a ngai niin a sawi a ni. He inkhawmah hian Aizawl veng fai pathum thlan chhuahte chu lawmman p>k an ni a, veng faite hi an indawt danin – Laipuitlang, Republic Vengthlang leh Zotlang an ni a, lawmman hi an san dan indawtin Rs. 1,00,000/-, Rs. 70,000/- leh Rs. 50,000/- a ni. Aizawl khawpui chhunga sorkar school 238 zinga fai thlan chhuahte pawh lawmman p>k an ni. Sikul fai thlan chhuahte hi Primary School-ah an indawt danin Sakawrtuichhun PS – I, Model PS, Ramhlun North leh Durtlang PS-III an ni a, Middle School fai thlan chhuahte chu an indawt danin ITI M/S, Chaltlang MS, leh Mission Vengthlang MS a ni a, High School leh Higher Secondary School fai thlan chhuahte chu an indawt danin Bethlehem Vengthlang H/S, Govt. Mizo HSS leh KVM HS te an ni. Sikul fai lawmman hi an san dan indawtin Rs. 50,000/- leh Rs. 30,000/- leh Rs. 20,000/- a ni a, lawmman-te hi Mayor, Pu PC Lalhmingthanga, Deputy Mayor, Pu Lalringliana leh Councillor, Pu K. Romawia ten an hlan a ni.
Lawngtlaiah vawiin khan DC Conference Hall-a inkhawmah Bawrhsap, Dr. Arun T.-a’n a khar a, tun hnaia khawpui fai thlanah Lawngtlai khawpui chu a hniam lamah awm mah se, kum tharah chuan a sang zual pathum zingah a tel theih nan \an lak tum niin a sawi a, faina hapta chu kar khat awh lek a nih avangin kumtluana chhunzawm zel turin mipuite a ngen a ni. He inkhawmah hian LADC-a Executive Member, Pu Laltlawmlova Chinzah pawhin faina lama \an la turin mipuite a fuih a ni. He inkhawm hi Chief Medical Officer, Dr. Thani Pachuau-in a kaihruai a, faina beihpui thlak chhunga ti\ha, office fai, school fai, hotel, restaurant, thingpui dawr leh veng fai thlan chhuahte hnenah lawmman sem a ni.
Champhaiah pawh faina hapta hi Champhai Govt. College Multipurpose Hall-ah Bawrhsap, Pu Vanlalngaihsaka’n a khar a, Mizorama khaw fai ber, an dist. chhunga Biate khua chu chhuanawm a tih thu sawiin, Khawzawl leh Khawhai pawh a ti\ha zinga an tel chu thil lawmawm tak niin a sawi bawk. Ek in ni lo, pawnlama inthiar awm lohna District ni hmasa ber chu Champhai a ni tih sawiin, hma lam pana kal zel a pawimawh thu a sawi bawk a ni. He inkhawmah hian veng, khua, zirna in leh office fai thlanchhuahte hnenah lawmman pek a ni bawk.
Serchhipah chuan faina hapta hi DC Conference Hall-a inkhawmah Additional DC, Pu Chuauhnuna’n a khar a, inkhawm hi MJA President, C. Lalhminghlua’n a kaihruai a ni. He inkhawmah hian faina lama inelna-a lawmman dawngtute hnenah lawmman sem a ni bawk.
