Sushil Sharma hian kum 1995 khan a nupui hi ngaihzawng neia a hriat avangin a that a, a taksa a chansawm hnuah halral a tum a ni. Congress hruaitu hlui Sushil Sharma, kum 56 mi ni tawh hian chhuh zalen turin court hi a ngen a, kum 29 zet Jail-ah a tan tawh thu leh hei hi a tan hun tur zat bithliah pel a nih tawh thu a sawi. Court chuan a chet dan hi rawng tak ni mahse, a tan hun tura ruat chu a tan zawh tawh avangin, Sentence Review Board in chhuah rih loh nise tia a chungthu a rel sak a remchang tawh lo a, mihring anih anga a dikna leh chanvo te zahsak a ngai a ni a ti.
Sushil Sharma hi kum 2003 khan court in thi turin a chungthu a rel a, hei hi Delhi High Court in a nemnghet leh a, kum 2013 khan Supreme court chuan thi tura a chungthu relna hi a hlip leh a ni.
