Doha-ah inbiakna hi neih a ni a, ni hnih an chawlh hnuah an chhunzawm a, taliban dintute zing a mi Mullah Abdul Ghani Baradar chu he inhmuhkhawmnaa Taliban pawl te hotu thar angin a rawn tel a, US palai Zalmay Khalilzad nen an inhmu a, January-a an inremna siam chu a chik zawka duang turin hma an la a, Taliban thupuangtu Suhail Shaheen chuan he inhmuhkhawmnaah hian an vei ber chu ramdang sipai te Afghanistan a\anga lakchhuah anih thu a sawi a, Taliban te inkahhai thutlung ziahpui an ngen bawk. US hian Taliban te nena inbiak rawtna te \um tam tak a lo hnawl tawh a ni.
Heng inremna siam tuma inbiak a nihlai hian Taliban te hi tharum thawh zawngin an la che chhunzawm zel a, Zirtawpni pawh khan Camp Shorab, Afghanistan-a Helmand province a awm chu an bei a, Afghan ram venhim hnathawk sipai 23 an thi a ni.
