Pu C. Lalrinsanga hian vawiin khan Kolasib District Chemphai-a Agriculture Research and Seed Production Programme hnuaia French Been chinna hmun a tlawh a, helai hmuna Department-in a chi tura french been a chin chu a chi \ha siamna tura mithiamten uluk taka an enkawl a nih thu leh a hming atan Chief Minister, Pu Zoramthanga leh ama hming chawia ‘Zorin’ phuah a nih thu a sawi. Pu Sangtea chuan,
seed production programme hnuaiah hian thlai dang dang pawh a chi \ha siam chhuah tum a nih thu leh Agriculture Dept. tum lian ber chu buh leh thlaia intodelh a nih angin hemi kawngah hian chak zawka hmalak zel a ni dawn tih a sawi.
French been “Zorin” hi Chemphaia Agriculture Research and Seed Production Farm hectare 0.50-a zauvah nikum November ni 9 khan chin \an a ni a. Harsatna dang a awm lo seng theih anih chuan a chi hi Quintal 20 vel tharchhuak tura beisei a ni.
Irrigation and Water Resources Minister nibawk, Pu Sangte hian Lungdawh zaua Leilet chawmna atana Chemlui leh Thingdawl lui a\anga tui lakna siam mek chu a tlawh nghal a. Helai hmunah hian tui dahkhawlna tur avang metre 40 leh adung metre 50 a lian tuizel siam fel tawh a nih bakah leileta tui sem chhuahna tur tui kawng pawh siam zawh tawh a ni. Hei hian Lungdawh zaua leilet Hectare 70 vela zau chu kumtluanin a chawm thei tura ngaih a ni.
Minister-in Chemphai leh Lungdawh zau a tlawhnaah hian Agriculture leh Irrigation and Water Resources Department hotuten an \awiawm a ni.
