NABARD buatsaih, State Credit Seminar vawiina Aizawla neihah he thu hi a sawi a, Agriculture Minister chuan kum nga kum ruk kalta chhung khan kum tina Mizoram sum leh pai thawhchhuah punna chu zaa 9 a ni a, GSDP ah hian service sector-in zaa 43.49, industry sector-in zaa 24.84 leh Agriculture & Allied Sector in zaa 31.67 an thawh a, loneih leh a kaihhnawih, Agriculture sector hmasawnna turin sawrkar chuan thingtlangah hmasawnna ruhrel din turin nasa lehzuala \anlak a tum a, thingtlang khuate tlawh pawhna tur kawng \ha zawk siam chu sorkar ngaihpawimawh a ni a ti a, sorkar hmalakna tipuitling turin NABARD chuan kawng tam taka a pui thei dawn a ni a ti.
NABARD General Manager Pu R.K.Srivastava chuan Mizoram hmasawnna turin kawng hrang hrang pasarihah hmalak an tum tih a sawi a, chung te chu Mission on Organic Spices, Visit Mizoram Mission, Universal Social Security Coverage Mission, Strengthening Primary Cooperative Credit Societies, My Bamboo My Wealth, Design Your Future leh Spring Rejuvenation and Development tih te a ni a ti.
State Credit Seminar-ah hian NABARD Manager Pi H.Lalhmachhuani leh Agriculture Dept hotu dangte pawhin thu an sawi a, I&PR Secretary Pu Sangdingliana, RBI leh Bank hrang hrang aiawhte, sawrkar official leh mi pawimawh dangte an tel a ni.
