Jayalalithaa-i hmun luah tumtu, V K Sasikala leh a unau fa, TTV Dinakaran-a chu AIADMK a\anga hnawhchhuah an ni. Madras High Court-in nimina thu a lo tihtl<k tawh angin, Tamil Nadu-a rorel lai party, AIADMK chu an party chhunga inrem lohna chin fel tumin vawiin khan an \hu khawm a, General Secretary atana an lo ruat lailawk tawh, VK Sasikala chu banin, an party-a dinhmun dang a luahte pawh sut leh vek a ni a, an party hruaitu thi ta, J Jayalalithaa-i’n a thih hmaa heng dinhmun luah tura a lo ruat tawhte chu dah an ni ta zawk a ni. AIADMK hruaitute \hukhawm chuan Sasikala bakah a unau fa, TTV Dhinakaran chu Jayalalithaa thih hnua party hruaitu-a ruat an nih avanga ban an ni tih an sawi a, Jayalalithaa-i hnuaia Deputy CM, O Panneerselvam chu an party hruaitu 11 zinga a hotu atana an pawm thu an sawi bawk. Hei vang hian Panneerselvam hi an party General Secretary thuneihna ang zawng zawng pek a nih thu leh, General Secretary dinhmun chu Jayalalithaa ta a ni reng dawn tih an sawi bawk a ni. AIADMK hruaitute \hu khawm hian Panneerselvam leh state CM, Palaniswami-a kaihhruai pawl hrang pahnih chu pakhatah an inchhun fin ta tih an nemnghet bawk a, an party chhinchhiahna atana hnahthel pahnih lem an hman pawh an hman zel tur thu an sawi bawk. He \hutkhawmna-ah hian AIADMK hruaitu zawng zawng za zela 95 vel tel anga chhut a ni a, mi 2,000 vel an kal khawm a, \hutkhawm nei tura titu, Madras High Court hi nimin khan MLA pakhat, S Vetrivel chuan a thutlukna hi sut leh turin a ngen a, a ngenna hi hnawl a nih bakah court hun a khawhral avangin cheng nuai khat chawi tura tih a ni.
Nikum December ni 5-a Chennai-a Apollo Hospital-a Pi Jayalalithaa-i a thih khan AIADMK chuan Pu O Panneerselvam-a hi an hruaitu atan an thlang a, Tamil Nadu CM atan lak luh a ni a, mahse thla khat pawh a liam hmain Pi Pi Jayalalithaa-i kutke hlun tak, V K Sasikala chu chuhtu awm lovin, December ni 29 khan AIADMK General Secretary atan thlan a ni ta a, Gen Secy hi AIADMK hotu lu ber a nih avangin Pu Panneerselvam pawhin CM a nihna a\anga a banna a thehl<t nghal a, Larsap, C Vidyasagar Rao chuan pawm mah se, thil tihfel a nih hma chuan a hna chhunzawm turin a hriattir a ni. AIADMK MLA te pawhin lungrual takin an hruaitu atan Sasikala hi an thlang a, ani pawhin a pawm a. Mahse February ni 7 zanah khan O Panneerselvam-a hian Pi Pi Jayalalithaa-i thlan hi tlawhin, Sasikala-i leh a lam\angten bang lo thei lovin an nawr niin a sawi ta a, Pi Jayalalithaa-i thlarau kohna hriain a thlan hi a tlawh niin a sawi ta hial a, Sasikala nen an inep t^k avang hian Panneerselvam-a hi AIADMK Treasurer a nihna pawh hlihsak a ni. Larsap chuan CM atana Sasikala dah chungchangah hian hun a tikhawtlai hlek a, Sasikala, hausa lutuka puhna thubuaiah court thutl<kna a chhuah thuai dawn avangin dan lam thiamte a rawn a, February ni 14 khan Supreme Court chuan Sasikala hi thiam loh chantirin, lung ina khung turin a ti ta mai a, CM a nih theih t^k loh b^kah kum 10 chhung, inthlan chuh thei lo tura tih a ni ta a ni. Hemi hnu hian Sasikala- lam\ang, Edappadi Palaniswami chu CM a ni ta a, Sasikala-i unau fa, TTV Dinakaran pawh AIADMK Deputy General Secretary atan thlan a ni ta bawk a, Panneerselvam-a leh Sasikala-i pawl hi an phel ta a ni. April thla tawp lam a\ang khan pawl hnih hian inchhun fin leh dan tur an ngaihtuah a, tunah hian a lo hlawhtling ta a ni.
