Krismas boruak-in mipui rilru a luah \an a, kum dang ang bawkin Aizawl Bazar pawh a lun \an leh tawh hle. Zonet palaiin vawiina Aizawl Bazarpui a fan kualnaah dawrkaite chuan nikum aiin thingtlang lam a\anga Bazar tura lo kal pawh an \hahnem deuh zawk niin an sawi a, inhralhna tur tam lutuk lo mah se, Bazar-a vei vak mipui erawh chu nikum aiin an tam zawk niin an sawi. Krismas leh kumthar vuakvetah mipuiten thlamuang taka chakkhai an lam theih nan Aizawl SP ruahman angin nimin a\ang khan Aizawl Bazar chhung hmun lun lai 3 – Dawrpui Taxi Stand, Power House piaha Pu V. Lalliana Building bul leh Bazar chhung High Mass hnuaiah Police Help Desk siam a ni a, Police-te ngawrh takin an duty a, rukrukna leh suahsualna dang thleng thei an veng a, harsatna nei tan \anpui tura koh theih reng a ni.
Commerce and Industries Department hnuaia Aizawl New Marker Office enkawltute chuan, Bazar hi nikum lam aiin a tawt hma deuh zawk niin an sawi a. Sikul naupang an la chawl lo chungin ni tin Bazar-ah mipui \hahnem tak an kal ziah a, kar leh lama sikul naupang chawlh hunah phei chuan Bazar hi a lun lehzual an beisei thu an sawi. New Marker Office enkawltute chuan, Bazar hi a lun viau chungin kum dang zawng aiin thil bo leh harsatna tawk report an dawng tlem zawk a, a khat tawkin Bazara kal mipuite chu aurinna hmangin fimkhur tura an chah \hin thu leh Bazar chhung hmun 3-ah Police an Duty chuan nasa takin an hnathawh a \anpui niin an sawi. New Marker Office chhinchhiah danin, kumin January ni 1 a\anga nimin thleng khan Aizawl Bazar-a pawisa bo report an dawn zat chu cheng 3,13,160 a ni a, heta \ang hian cheng 30,040 hmuh let a ni a, a neitu hnenah cheng 20,400 pek let a ni a, hmuh let loh cheng 2,83,120 a awm a ni. Hemi hun chhung vek hian pawisa chhar, cheng 35,918 an dawng a, a neitu hnenah cheng 21,070 pek let a ni a, cheng 11,140 chu a chhartu pek a ni a, pek bang cheng 3,708 an la kawl mek a ni bawk. Pawisa thil dang bo report an dawn tam zawk chu an enkawl huam chhunga mi ni lo niin an sawi bawk.
