Republic Veng Local Council Football team hi Runners Up an nih bakah Fair Play Award an dawng a, inkhel zawh tawh hnu, lawmman sem dawn laia buaina chhuak vangin Republic Veng Local Council Football team chu kum 3 chhung ADFA tournament siama tel thei lo tur leh Rs 3000/- chawi turin ADFA chuan a hrem a ni.
Republic Veng Local Council hian \um thum lehkhaa ngaihdam dilna a thlen hnuah suspend chhung hi kum 2 ah ADFA chuan a ti tawi a, hei hi Republic Veng Joint Action Committee chuan na an tih thu an sawi a, ADFA in an veng a hrem chhung chuan ADFA buatsaih tournament-ah Republic Veng Field hman an rem tih loh thu te, ADFA mi leh sa Republic Veng chhunga cheng te chu ADFA member nih zui zel nge an duh a, Republic Venga chen zui zel tih thlang tura an phut thu te an sawi a, hremna hmu chunga Fair Play Award dawng nih chu zahthlak an tih thu pawh sawiin an lawmman dawn chu ADFA ah pek let an rel bawk a, ADFA hruaitu ni mekte term chhungah an tournament buatsaihah tel rih loh an rel bawk.
