Aizawl District Magistrate Dr. A. Muthamma chuan The Mizoram Animal Control & Taxation Act tlawh chhanin Aizawl District huam chhunga ui vulhtu zawng zawngte chu an ui vulh ui a hri danna, rabies vaccine pe \heuh turin a hrilh.

Hemi bakah hian ui vulhtute chu an ui vulh khawlaia chhuah lo turte, an chhuahpui pawhin hruia hlinga kai turte, kawngpui leh tuallaia ui ek tir lo tur te, an ui vulh chu dan angin Local Council emaw, Village Council emaw hriattira ziak lut vek turin a hrilh a, khawlaia ui chhuak hmuh te chu bialtu Local Council emaw, VC emaw thu angin man an ni ang a, VC emaw, Local Council-in emaw a tlanna sum an bituk anga tlan chhuah leh tur an ni ang a, tlan chhuah loh te chu danin a phal angin an tiral thei tih a tarlang bawk.