Vawiina Hnam Run-a an party chhung inkhawmah thu sawiin Pu Lalruatkima chuan Tualvungi Ko thiam, Chief Minister Pu Zoramthanga’n Central hotute hnenah Assam Rifles sawn chhuah chungchang a zu sawi meuh chuan sorkar chuan sawn chhuak tura thupek a siam ta a ni a ti a, tun thla ni 19-a Home Ministry thupek chuan Aizawl khawpui chhunga Assam Rifles-te chu May ni 31 hmaa Zokhawsanga insawn fel vek turin a rawn ti ta a ni a ti.
Assam Rifles sawn chhuak tur hian kum 2007 daih tawhah engkim ruahmanfel a lo ni tawh niin Pu Lalruatkima chuan a sawi a, hmalatu ber MNF sorkar a tlak tak avangin bawhzuitu an awm ta lova, sum pawh cheng vaibelchhe 117 zet pek chhuah a lo ni tawh a ni a ti a. Assam Rifles chhuahsan ram chu mimal pek a ni dawn lova, sorkar ramah dah vek a ni dawn a ni a ti.
Hetihlai hian Zonet zawhna chhangin Minister hlui, Pu PC Zoram Sangliana chuan Aizawl khawpui a\anga Assam Rifles sawn chhuah Mizoram sorkarin a rawtna pawmtu leh sawn chhuah an ni ang tih puangtu chu Prime Minister hlui, Pu Rajiv Gandhi a ni tih a sawi ve thung a, khatihlai hun khan Aizawl khawpui a\anga Assam Rifles sawn chhuah nan hian Aizawl khawpui chhehvela Paikhai leh Zokhawsang te buk a ni a, Assam Rifles ten Zokhawsang an duh zawk avangin Zokhawsangah MNF sorkarin hmun a pe a, a panna kawng siam tui leh electric eng pekte chu Mizoram sorkar tih tura ruat a ni a, an chenna tur hmun sak erawh chu anmahni Assam Rifles-in contract-a tih an duh avangin thawh tir an ni ta niin a sawi.
