Aizawl khawpuia chengten thlai thar lei tur an hmuh theihna tura hmala tura sorkarin a din, vegetable supply chain buaipuituten thei, thlai hnah leh thlai rah mipuite hnena hralh chhuah-ah hlep awm lo, hloh awm lo-a kalpui an rel.

Commercer and Industries Director Pu J.Hmingthanmawia hova supply chain buaipuitute \hukhawm ruahman dan chuan Aizawl khawpui chu Zone-12 ah \hen a ni a, Zonal Officer tinin veng tina Local Level Task Force a\angin an veng bil mamawh an la khawm ang a, Controlling Officer te hnenah an report ang a, hemi mil hian thlai thar chawk luhte chu pek chhuah tur a ni ang.

State pawn atanga thlai chawk luhte chu mipui hnen a thlen hmain COVID-19 Medical Operational Team ten a him theih nan ruahmanna lo siam se tih an rel bawk a ni.

Supply Chain kalphung thar tur duannaah hian Horticulture Director Dr.Elizabeth Saipari, MIZOFED Chairman Pu K.Laldawngliana, Horticulture, Commerce and Industries leh I&PR aiawhte bakah Central YMA leh Aizawl City Local Council Association Officer Bearers te an tel a ni.