Aizawl khawpuia lirthei tawt lutuk ti ziaawm tura hmalak dan tur ngaihtuahtu, Coordination Committee on Traffic Management vawiina Aizawla \hukhawmin, lirthei intlan chhawk dan thar hman mek chu thla khat ral hmaa thlirlet leh nise an ti.

Kawng hman dan leh kawng sir hman dan zirchianga inkaihhruaina dan duan nise an ti a, lirthei tih tlem dan ‘vehicle population control rules’ te duan chhin nise an ti bawk.

|hutkhawmnaah hian intlanchhawk dan thar hman mekin Aizawl khawpuia traffic jam a ti ziaawm niin Traffic police ten an sawi a, AMC in Melthum ah Bus leh maxi Cab dinna tur hmunhma an buatsaih \an mek thu an sawi a, Truck Terminal Rangvamual ami chuan motor lian a dawl zawh tawh loh vangin a dang siam belh a \ul thu te sawilan a ni bawk.

|hutkhawmna kaihruaitu Home Minister Pu Lalchamliana chuan Traffic jam ti ziaawm tura Mizoram Bar Association in rawtna an thelhluhte chu a theih angin Sorkar in a bawhzui dawn tih a sawi a. AMC Mayor Pu P.C. Lalhmingthanga chuan Taxi stand leh lirthei dang dinna metre 2252.8-a thui an paih \hen tawh thu a sawi a ni.