Traffic Management Coordination Committee ruahman anga Aizawla lirthei intlan chhawk chu chhunzawm zel a ni a. Traffic hotute hnen a\anga Zonet thu dawn danin, lirthei intlanchhawk \an ni, tun thla ni 2 a\anga ni 10 thleng khan mahni tlan theih loh nia tlan chhuak, thup>k bawhchhia, mi 380 man an ni tawh a, man tam zawk hi lirthei ke 2 nei a ni a, heng mite hi MV Act 179 hmangin pawisa chawitir zel an ni. Traffic hotute chuan, mi \henkhat, an lirthei number ziak danglama Traffic Duty bum tum an awm nia sawiin, \henkhat chuan an lirthei number tawpa 3 chu Marker hmanga ziak danglamin 8 anga lang thei turin an ziak a, heng mite hi thubuai siamsak theih ni mah se, an vawi khat tihsualna a nih bakah en chhinna a nih avangin thubuai siamsak lovin pawisa chawitir an ni a, hetianga lirthei number ziak danglam hi man an nih leh chuan na zawka hrem an nih tur thu sawiin, mipuite chu sorkar thup>k zawm hram hram turin an ngen a ni. Traffic hotute chuan, lirthei intlan chhawk avang hian Aizawl khawpui chu a thawl phah deuh nia an hriat thu leh, sorkar pisa kai hun lai phei chuan nasa takin a thawl phah nia an hriat thu an sawi a. Lirthei intlan chhawk hma kha chuan Traffic Jam tireh turin hun a duh rei \hin a, tunah chuan a jam pawhin rei lote chhunga chin fel theih a ni tawh niin an sawi. Puan tawh angin Traffic Management Coordination Committee ruahman angin tun thla ni 2 a\ang khan Aizawl khawpui chhungah sorkar motor, mimal motor leh lirthei ke hnih nei chi zawng zawng an intlan chhawk \an a, hei hi Aizawl khawpuia lirthei tawt lutuk tihziaawmna tura a en chhinna, tun thla chhung atana tih phawt a ni.
