Aizawla Vanbawng Welfare Committee-in an khaw lal hnuhnung ber Lallula Sailo vawiin khan an chawimawi. Lallula Sailo hi kum 1947 a\anga 1954 lal ban a nih thlengin Vanbawng lal a ni.

Hemi puala inkhawm Ramthar Veng YMA Hall-a neihah Pu Lallula Sailo chu chawimawina thuziak an hlan a, tawlhlohpuan an bahtir a, thangchhuah diar an khimtir bakah a nupui Pi Lalbiakveli pawh vakiria an khimtir a ni.

Pu Lallula Sailo hi kum 1928 March ni 28 khan Vanbawngah a piang a, unau pariat an ni a, a unaute zingah Lalvulliana leh Lalpiangthara te an la dam a ni. Kum 1947-ah Pastor Dawnkima fanu Lalbiakveli chu nupuiah a nei a, fa panga an nei a, tu 17 leh tuchhuan 13 a nei a ni.