He inkhawm an Party Vice President, Lalthansanga kaihhruaiah hian President, Pu Lalliansawta chuan, an Party tan Pathian-in kawng a hawn sak mek tih sawiin, tunhma a\anga Mizoram lo kaihhruai tawh \hintu leh kaihruai mektu Politcal Party pahnihte lakah Zoram mipuite an beidawn tawh avangin thlak an chak tawh hle a ni, a ti a. Bru, Chakma, ramri leh CCA chungchang chuan ZPM tan ham\hatna an siam sak tam hle a, party pahnih hotu thlan dante chuan an Sorkar-na turin a vuak dup sak niin a sawi.
ZPM party zawm tharte lawmluttu Serchhip Bialtu MLA, Pu Lalduhoam chuan, Mizo mipuite chu \huang hniha an kal ta nia a hriat thu sawiin, ram leh hnam, India ram pum chhiat theihna tur party thu awiha vote an awm a. Hemi dodala bang rawh se ti pawl leh CAB chu dodal tur a ni ti pawl an awm a ni a ti a, BJP hian CAB hnuah Uniform Civil Code an buaipui leh mek a, an pass leh anih chuan hnam tih dan phungte an ti thei tawh dawn lo a. Hemi hnuaa an tih tum chu Anti Conversion Bill a ni a, hei hi pass a nih chuan sakhaw danga inlet turin sorkar pawmpuina a ngai tawh dawn a. Chutiang duh lo chu opposition party chauh ni loin, kohhran leh vantlang mipuite an ni, a ti.
Aizawl North I bialtu MLA, Pu Vanlalhlana pawhin, bul \an \hat a pawimawh thu a sawi a, an Party-in mithar duhawm tak tak hmangin kum bul an \an a, hei hian ZPM chu ram nghahfak an ni tih a tilang chiang hle a ni, a ti a. ZPM mipuite thlan tlin independent MLA-te chuan ZPM-a sorkar ngei theih nan theihtawp chhuahin \an an la dawn a ni a ti a, kum 2023 inthlanah ZPM chu a sorkar ngei dawn a ni a ti.
