Al Qaeda mi firfiakten Mizoram leh Manipur-ah hmunpui bun an tum tih thuthang chungchang chu vawiin khan Mizoram Police hotuten an sawi ho a. Home Department hotute hnen a\anga thu dawn danin, he \hutkhawmnaah hian Al Qaeda mi firfiakte chu Mizorama an lo luh loh nana lo inven dan tur leh khauh zawka inven dan tur sawi ho a ni a, hemi kawnga mawhphurtute chu chak zawka \an la tura hriattir nghal an ni. Zonet thu dawn danin, Pathianni khan Delhi Police-in Al Qaeda mi firfiak, Shami Rehman inti chu Delhi-ah an man a. Police hmaa a inpuanna a\angin Mizoram leh Manipur-ah awm hmun khuar an tum mek a, a bul \an dan tur enfiah tura lo kal niin a insawi a ni. Thu dawn danin, Al Qaeda firfiak pawl hian hmar chhak bial state hrang hrang a\angin an pawla tel tur mi sawm khawm a, chung mite chu traning tak an pek hnuah Myanmar-a Rohingya Muslim hel pawlte \anpui tura thawn an tum niin Police-te a hrilh nia hriat a ni. Home Department hotute chuan, Al Qaeda pawl-in Mizoram leh hmar chhak biala \an lak an tum dan hi engmah an hre lawk lo niin an sawi a. Hemi chungchang hi tun hnaia Delhi Police-in an pawl mi pakhat an man inpuanna, chanchin thar leh Social media-a darh a\angin an hre ve chauh niin an sawi.
