INTACH, Mizoram Chapter leh INTACH General Hqrs. New Delhi tangkawpin vawiin khan Govt. Chaltlang High School-ah pawl 6 atanga pawl 10 zirlaite tan All India Heritage Quiz, 2017 a buatsaih a, a kaihruaitu, INTACH, Mizoram Chapter Convener, Pu P. Rohmingthanga chuan Mizote chanchin leh Mizote hnam nun hriat chian lehzual a pawimawh thu a sawi. ni. He Quiz Competition-ah hian sikul thlan chhuah 16 atangin zirlai 104 an tel a, St. Paul’s High School zirlai ve ve, Lalremsiama Darchhun leh Nibha Kumari Singh chu pakhatna an ni a, anni hi tun thla ni 21, Thawhtannia Guwahati-a Regional competition neih turah Mizoram aiawhin an tel dawn a ni. He intihsiaka a titha ber team chu New Delhi-a National Level Competition-a tel tur an ni ang. He Quiz Competition-a khuallian, School Education Addl. Director, Pu K. Laldingliana chuan pi leh pute sulhnu humhalh leh veng him turin zirlaite a fuih a, kumin January thlaa “My city, my heritage” tih Essay inziahsiaknaa lawmman dawngtu mi pahnih, St. Pauls Higher Secondary School-a pawl 10 zirlai ve ve, Lalrinnungi leh Lalruatkimi Hnamte chu chawimawina trophy a hlan bawk.
