He America nu hi Elizabeth Schneider a ni a, Seattle-a cheng a, kum 37 mi a ni.
Schneider chuan coronovirus a kai dan chanchin chu mipuiten beisei sang tak an neih theih nan mipuite hriat tura puan chu a rilrua a awm reng thu sawiin, he natna hi ngaihthah mai mai chi a nih loh zia leh kum upa lam leh hriselna \ha tawk lo tan phei chuan inenkawl uluk a \ul thu a sawi a, pawn chhuak lova ina inkhung chu thil \ha ber a ni tih a sawi.
Schneider hian February ni 25 khan hritlang a kai a, hritlang a kai a\anga a ni thumnaah party-naah a kal a, heta kal ve mi 5 te chu Covid-19 vei an lo ni a, hemi tuka a zing tho chu nidang ang lo takin a chau em em a, hnathawk turin a kal lui thova, chhunah chuan a lu naa in\anin a khua a sik chhunzawm a, a taksa zawng zawng a na vek bawk a ni. Hei vang hian a pisa chu chhuahsanin a haw a, a khawsik a san avangin emergency room-ah a kal a, hetah hian Covid-19 a kai tih an finfiah a, hemi hnu hian pawn chhuak lovin inah a inkhung char char a, a hna pawh in lamah a thawk chhunzawm a ni. Schneider chuan he a thil tawn chungchang a sawi hi mipuite ti ralkhel tura sawi a nih loh thu sawiin, nawmsam lohna an neih chuan hlauthawng mai lova inentir vat turin mipuite a chah a, an natna chu thihpui hlauhawm khawp a nih loh chuan in lama inkhung a, damdawi \ha taka ei leh, tui a tam thei ang ber ina, hahdam taka awm a \ha a ni a ti.
