India sorkar chuan hetianga ruang lak chhuah tih khawtlai anih chhan hi hnam mawlte humhalhna kawnga thil \ul a nih thu a sawi a, he missionary, John Allen Chau hi America mi a ni a, hnam mawlte hian thliarkar hmar lamah november ni 17 khan an thal hmangin an kap hlum a ni. Allen Chau hian heng hnam mawlte hi Kristiana inlehtir a tum a ni. A ruang hi thliarkarah hian a la awm ta reng a, la chhuak tura beihna chu a la hlawh chham zel rih a ni. Sorkar mipawimawhte leh he thliarkara hnam mawlte chanchin hre chiangtute vawiina \hukhawm chuan ruang zawn hna thawh mek hian hnam mawlte ti phawklekin buaina a thleng palh thei dawna an hriat avangin chawlhsan lailawk rih an rel a ni. Ni engemawzat liamta a\ang khan Police te chuan lawng leh helicopter te hmangin thliarkar leh a chhehvel hi an lo thlithlai tawh a, amaherawhchu heng hnam mawlte hi humhalh lai an nih avangin engtiang taka hmalak tur nge an hre thiam chiah lo thung. Kum 2006 khan heng hnam mawlte hian sangha mantu pathnih, an awmna thliarkara lutte chu an lo ti hlum tawh a, ni engemawzat beih a nih hnuah ruang pakhat chu lak chhuah a ni a, pakhat zawk erawh hmuh chhuah zawh lohin a lo bo hlen tawh a ni.
