He live blog hi tihtawp a ni tawh a, April ni 15 live blog en duh tan;
https://www.zonet.in/april15covidliveblog/
April ni 14, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Enkawl lâi – 9272 (punna – 1224)
Enkawl dam tawh – 1189 (punna – 210)
Thi zât – 353 (punna – 29)
Hmun danga pêm/insawn – 1
(punna hi April ni 13 tlai dar 5:00 thlenga chhinchhiah zat nen khaikhin a ni)
11:30 PM
Assam: Hmeichhe pakhat test-ah a positive belh. Positive thar hi Dhubri lam mi a ni a, a pasal aṭanga kai a nih thu leh a pasal pawh hi Covid-19 kai vanga enkawl mek a nih thu State Health Minister, Himanta Biswa Sarma chuan a sawi. Assam-ah hian positive enkawl lai 32 an awm mek a ni
11:15 PM
Bengaluru-ah hmun 38 hri pun darh tamna hmun, hotspot-ah puan a ni
10:53 PM
Taksain natna hrik do tura a siam protein chi khat, antibody hmanga rang taka Covid-19 test theihna sawmparuk, National Institute of Virology, Pune-ah enchhin a nih hnuah pawm a ni: ICMR
10:33 PM
Myanmar: Vice President U Henry Van Thio leh a chhungte Covid-19 test an ni dawn a, Myanmar sorkar thupuangtute chuan Van Thio hi February ni 9 khan puithiam pakhat David Lah nen an inhmu tih hriat a nih avangin mipuite rilru damna atan test a ni dawn tih an sawi a ni.
10:32 PM
Myanmar: Vawiin (April 14) chawhnu dar hnih leh a chanve thleng khan Covid-19 kai mi 62 an awm tawh a, heng zingah zaithiam lar tak, Iron Cross band-a an singer ni bawk, Myo Gyi pawh a tel ve a ni. Myo Gyi hi tunhnaia Insein khuaa inkhawmna pakhatah Covid-19 hi midang aṭangin a kai niin Myanmar sipai sorkar chuan a sawi a, he inkhawmnaa tel ve mi ṭhenkhat chu Covid-19 kai an ni tih hriat a nih veleh Myo Gyi leh a nupui bakah a unaunu leh a fate pahnih chu Hlaing-ah khunghran an ni tih a sawi bawk
10:27 PM
Venthawn thil thuah Gujarat CM Vijay Rupani chu naktuk hian Covid-19 test tih a ni ang
10:26 PM
Mumbai: Mahni khua loa inhlawhfate hotua inchhal, Vinay Dubey lakah thubuai siam a ni ang: Police
10:02 PM
Bandra punkhawm: Mi tu tih hriat loh 1000 lakah thubuai siam a ni tawh a, heng mi te hi police-in an chhui zui thuai ang
9:56 PM
Delhi-ah nimin khan case 356 chhinchhiah a ni a, vawiinah 51 chhinchhiah a ni: CM Kejriwal
9:48 PM
Telangana: Case thar 52 a awm belh a, mi pakhat a thi. A vaiin case 644 a awm tawh a, enkawl dam mi 110 an awm tawh a, mi 18 an thi tawh a, enkawl lai mi 516 an awm mek bawk a ni
9:46 PM
Andhra Pradesh coronavirus bulletin:
Case awm tawh zat – 418
Vawiina case thar awm zat – 10
Thi tawh zat – 9
9:31 PM
Gujarat: Vawiinah case thar 33 a awm a, thi 2 an awm bawk
9:29 PM
Uttarakhand-ah case thar 2 a awm
9:11 PM
Delhi coronavirus bulletin:
Case awm tawh zat – 1561
Vawiina case thar awm zat – 51
Thi tawh zat – 30
9:09 PM
Mumbai: Mahni khua loa hnathawkte pungkhawm tura fuihpawrhtua puh, Vinay Dubey tih mi pakhatin police-in an zawng mek a, social media vela a thil post avangin hnathawkte hi an pungkhawm niin thuneitute chuan an sawi
8:31 PM
Mumbai Bandra Station-a pungkhawm an awm avangin Delhi a ralṭi hle
8:22 PM
Australia PM Scott Morrison-a’n China-a sa dawrpui hawn phalna WHO-in a thlawp chu na takin a dem
8:21 PM
UK: Mi 778 an thih belh a, a vaiin mi 12,107 an thi tawh
8:12 PM
Madhya Pradesh: Case thar 127 a awm belh
8:10 PM
Gujarat: Case thar 33 a awm belh a, state pumah 650 a awm tawh
8:05 PM
Maharashtra: State CM Uddhav Thackeray-a’n inhlawhfa ṭhin, haw tuma pungkhawmte mangang mai lo tur leh Covid-19 beihnaa ṭang dun an ni tih hre turin a ti
7:28 PM
Delhi: Coronavirus hluarna hmun 51 a awm tawh
7:24 PM
Maharashtra: CM hlui, Devendra Fadnavis-a’n Bandra punkhawm chu state sorkar thiam lohah a puh
7:12 PM
Kerala: Case thar 8 a awm a, enkawl lai 13 test nawnnaah an negative
6:42 PM
J&K: Vawiinah case thar 4 a awm a, enkawl dam 14 an awm bawk
6:29 PM
Party hrang hrangin Bandra Station, Mumbai-a thil thleng vangin sorkar laipui an dem a, thutlukna nei har lutuk leh famkim lo taka thu puangah sorkar an puh
6:05 PM
Haryana: Gurugram-ah mahni lirthei chhuahsan ngai loa sample test tir theihna bun a ni
5:55 PM
Lockdown pawhsei a ni tih hre lo mahni khua loa hnathawk eng emaw zat Bandra Station, Mumbai-ah an pungkhawm leh
5:49 PM
Delhi: Sipai doctor test-ah a positive
5:42 PM
Noida: Enkawl lai mi 5 an dam ve leh a, a vaiin mi 18 Noida khawpuiah enkawl dam an ni tawh a ni
5:31 PM
IndiGo-in May ni 4 aṭangin a tahtawlin thlawhna an service ṭan dawn
5:20 PM
Tamil Nadu: Ei tur fûn sem ṭhin pakhat test-ah a positive
4:53 PM
Telangana sorkarin sipai, police leh excise châwl tawhte in volunteer turin a sawm
4:46 PM
Ni 28 chhunga case thar awm lohna hmun chu Coronavirus kaichhawn theihna khaidiat chatah ngaih theih a ni: Union Health Ministry
4:11 PM
Sample 2,31,902 test a ni tawh: ICMR
4:10 PM
Rapid Test Kit nuai 37 lo thleng mai tur a awm niin ICMR-in a tarlang
3:49 PM
Karnataka: Curfew Pass April ni 20 thleng pawh sei a ni a, ni 20-ah ngaihtuah leh a ni ang
3:47 PM
Spicejet-in May ni 3 thleng an thlawhna a thlawh tir dawn lo a, ticket lo la tawh te pawh cancel sak an ni a, an sum lo sen tawh chu ticket dang lakna atan an PNR-ah chhinchhiah a ni ang a, February ni 28, 2021 hma ngeiin ticket thar an la tur a ni thung
3:42 PM
Maharashtra sorkarin an state sum leh pai dinhmun khaichhuah leh theih dan tur ngaihtuahtu tur, mi thiam rual awm khawmna committee a din: Deputy CM Ajit Pawar
3:41 PM
Punjab: Mohali leh Jalandhar-ah Rapid Testing hman ṭan a ni
3:34 PM
Delhi: Positive case 1451 a awm tawh
3:26 PM
Sorkar laipuiin Testing Kit lei a tihkhawtlai avangin ram chhunga test pawh a tam thei lo niin Congress hruaitu, Rahul Gandhi chuan a sawi a, mi mtd khat zelah test kit 149 chauh awm anga chhut niin a sawi bawk a ni
3:02 PM
Nepal-in an ram lockdown April ni 27 thleng a pawt sei
2:57 PM
Haryana: Faridabad-ah positive pahnih an awm belh
2:53 PM
Rajasthan: Case thar 72 a awm belh
2:33 PM
Labour and Employment Ministry-in hlawh chungchang harsatna thlen theihna control room 20 a siam tawh
2:08 PM
China: Russia ramri depah Coronavirus kai mi 79 an awm belh a, Hubei ram bung chhungah kai belh emaw thih belh an awm lo thung
2:08 PM
International Monetary Fund-in ram 25 leiba ṭhenkhat a ngaihhnatthiam sak dawn. IMF hian sum a dahkhawl zingah, chhiatna tawk ramte ṭanpuina tur bika ruahman Catastrophe Containment and Relief Trust (CCRT) a nei a, heta ṭang hian ram 25 tan thla ruk chhunga an leiba rulh tura tuk sa chu a la hek thung dawn a ni. CCRT-ah hian US Dollar mtd 500 vel an neih thu leh UK, Japan, China, Netherlands leh ram dangte pawhin sum chhun belh an tum thu te leh CCRT sum hi US Dollar tld 1.8 vela tih pun theih an in rin thu IMF Managing Director, Kristalina Georgieva chuan a sawi
2:08 PM
Japan: State Emergency puan a ni tawh chungin sumdawnna hmunte a la lun hle a, pathianni kalta khan case 530 a awm belh a, thawhṭanni khan case 390 a awm belh bawk a ni
2:08 PM
New York: Damdawiina dah luh ngai punna a tlahniam a, a tah tawla inkhuahkhirhna siam mek te thlah dul dan an zawn mek thu leh fimkhur taka thil tih a ngaih thu Governor Andrew Cuomo-a’n a sawi
2:08 PM
US President Donald Trump-a’n WHO-a an ramin sum a pek ṭhin tihtawp a hnial loh thu a sawi leh a, May ni 1-a an ram inkharkhip hlih leh hlih loh chungchangah thutawp nei tu a nih thu leh thutlukna a la siam tur thu a sawi bawk
2:07 PM
Mamawh zawng zawng ramin a intodelh niin Amit Shah-a’n a sawi
2:05 PM
Mizoram: Covid-19 kai enkawl lai dinhmun a ṭha chho zel a, thâwk lama puitu khawl, ventilator pawh phawi a ni a, oxygen erawh pek chhunzawm a la ni
1:56 PM
Uttar Pradesh-a in sak chhunzawm tum chu ṭhulh rih a ni: Deputy CM
1:40 PM
Confederation of India Industry, CII-in lockdown pawhsei a nih tak avangin sumdawnna tenau zawkte chhawmdawl theih dan tur sorkar laipuiin a ngaihtuah thuan an beisei tih an sawi
1:24 PM
Board of Control for Cricket in India (BCCI)-in Indian Premier League kal zel dan tur May ni 3 hnu lamah ngaihtuah ṭhat a ni ang a ti
12:55 PM
Mamawh phurte an chêt vel phalna May ni 3 thleng pawhsei a ni: Delhi Police
12:49 PM
J&K: Srinagar-ah Covid-19 kai 13 an awm belh
12:42 PM
Poland: Sum leh pai dehchhuah lama khuahkhirhnate April ni 19 aṭangin thlah dul tum a ni
12:40 PM
Madhya Pradesh: Indore khawpui bika Covid-19 case awm tawh zat chu 411 a ni
12:17 PM
Maharashtra: Covid-19 kai thar 121 an awm a, state pumah 2400 chuang an awm tawh
12:13 PM
May ni 3 thleng ram chhung leh pâwn lamah khualzin phur thlawhna thlawh tir loh chhunzawm zel tur a ni
11:47 AM
April ni 20 hnu lama hri hluar lohna hmunah lockdown thlah dul a ni ang: PM Modi
11:25 PM
May ni 3 thleng passenger phur rel zawng zawng a chawl chhunzawm ang
10:22 PM
April ni 20 thleng State hrang hrangin lockdown an kalpui dan enzui a ni ang
10:15 PM
May ni 3 thleng lockdown pawhsei a ni
09:48 PM
Jaipur-ah case thar 48 a awm belh
09:44 PM
Spain-ah lockdown thlahdul hret a ni. Puan tawh angin Spain-ah hian nitina thi leh kai thar zat an tlahniam hret hret a, thawhṭanni aṭang khan hna ṭhenkhat chu an thawk leh ṭan tawh a ni
08:56 PM
Rampumah darkar 24 chhungin case thar 1,200 chuang a awm belh,000
08:31 PM
US State ṭhenkhatin sumdawnna lam hawn chhoh leh an tum ṭan a, New York leh California te pawh an tel a ni
08:12 PM
State 10-in lockdown an pawtsei tawh
