He live blog hi tihtawp a ni tawh a, April ni 4 live blog en duh tan;
https://www.zonet.in/liveblog-covid19-apr04/
11:52 PM
Assam-ah positive case 3 chhinchhiah belh a ni a, Kamrup-ah 2, Marigaon-ah 1, heng zinga pahnih chu Nizammuddin Markaz-a punkhawm chhimtu an ni a, state pumah case 23 a awm tawh: State Health Minister Himanta Biswa Sarma
11:43 PM
Uttar Pradesh: Saharanpur-ah Tablighi Jamaat chhimtu mi 12 an positive belh
11:40 PM
France-ah Covid-19 kâi enkawl lai 64338 an awm mek a, thihpui 6507 an awm tawh a ni
11:31 PM
April ni 15 thleng J&K-ah 2G Internet hman theih tura ruahman a ni
11:29 PM
National Health Authority-in Covid-19 kai enkawltu nurse leh healthcare lama hnathawkte veivah awlsam zawk nan Uber a thawhpui dawn, Uber hian khawpui thlan bik Delhi, Noida, Ghaziabad, Kanpur, Lucknow, Prayagraj leh Patna-ah te motor 150 a dah dawn a, heng mite tan hian hman man a awm lo ang a, lirthei zawng zawng hi NHA lam chuan a chhunglam plastic-in a tuam vek dawn a ni
11:15 PM
Madhya Pradesh-ah Covid-19 case 154 a awm tawh a, case tam ber chu Indore khawpuiah a ni
11:08 PM
Vistara-in April ni 15 hnu lam ticket a hralh chhunzawm tur thu leh hei hi Ministry thuchhuak azira tih danglam theih a nih thu a sawi
11:06 PM
Punjab: Mohali-ah case thar 2 chhinchhiah a ni a, Tablighi Jamaat kaihhnawih ve ve an ni
11:04 PM
Maharashtra sorkarin Covid-19 kaihhnawih thila nunna chân, police zingah an awm a nih chuan zângnadawmna cheng nuai 50 pek a tiam
11:03 PM
Kerala: Kum 93-a upa pa pakhat leh a nupui, kum 88-a upa te chu enkawl dam an nih hnuah damdawiin aṭanga chhuah tir an ni
10:54 PM
Madhya Pradesh: Mosolman biakin pakhata ṭawngṭai tura kalkhawm mi 9 man an ni
10:50 PM
Defence Research and Development Organization (Defence Ministry hnuaia thil thar zir/siam leh enchhintu) chuan hmun tih thianghlimna hlo (sanitizer) phuh thei khawl chi hnih – hnung puak theih leh tawilailir te chia nawr lirh theih, kangṭhelhna hlo phuhna entawnin an siam chhuak
10:42 PM
Europe khawmualpuiah Coronavirus thihpui 40,000 chuang awm tawh
10:38 PM
Italy aṭanga hruai haw, India khua leh tui 217 chu test-ah an negative
10:35 PM
Uttar Pradesh-ah case thar 52 chhinchhiah a ni a, heng zinga 47 chu Tablighi Jamaat nena chhuizawm an ni
9:53 PM
Maharashtra-ah Tablighi Jamaat chhimtu mi 738 khunghran mek an ni a, mi 7 an positive tawh
9:45 PM
Air India-in April ni 30 hma lam ticket a hralh tawh rih lo a, lockdown zawh hnua an awm dan tur chungchangah thutlukna an ngaihchan vang a ni tih an sawi
9:35 PM
Delhi-ah mi pahnih an thih belh leh a, case awm tawh zawng zawng chu 386 a ni
9:32 PM
Nau pianghlim leh a nu ṭum hnih test an negative avangin Kasturba Hospital aṭangin chhuah an ni
9:28 PM
Uttarkhand-ah case thar 6 chhinchhiah a ni a, state puma chhinchhiah tawh zat chu 16 a ni
9:22 PM
Israel PM Benjamin Netanyahu-a’n Covid-19 beih zel dan tur chungchangah PM Modi phone-in a bia
9:17 PM
Ram mipuiten lockdown leh midangte hlat (social distancing) an zâwm ṭhat dan chu ropui a tih thu India-a US sorkar palai, Ken Juster-a’n a sawi
9:11 PM
Tablighi Jamaat punkhawm chhimtu mi 19 hriat belh an ni a, Ahmedabad-ah he punkhawm chhimtu mi pakhat, test-ah pawh lo positive tawh chu vawiin khan a thi: Gujarat DGP
9:06 PM
Maharashtra-ah vawiin khan positive thar mi 67 an awm a, state puma awm tawh zat chu 490 a ni a, vawiin lama thi mi 6 an awm a, Covid-19 thihpui hi 26 an awm tawh a ni
8:42 PM
Gujarat-ah kum 67 mi pa pakhat a thi, state puma thi tawh zat chu 9 a ni
8:37 PM
Telangana-ah case thar 75 chhinchhiah a ni a, state puma case awm tawh zat chu 162 a ni
8:36 PM
Vawiina rampuma case chhinchhiah thar zat chu 478 a ni a, hei hi ni khata a tam ber ṭum a ni
8:31 PM
Ram pumah Covid-19 vanga thi mi 62 an awm tawh a, case awm tawh zawng zawng zat chu 2547 a ni: Health Ministry
8:20 PM
J&K: Covid-19 kai enkawl lai-te nena intawk nia hriat, mi 2000 chhui chhuah an ni tawh
8:17 PM
MEA-in ram pawn lama tangkhangte’n an biak pawh theihna tur helpline an din tawh tih Delhi High Court a hrilh
8:13 PM
Delhi sorkar-in PPE nuai 1, testing kit sing 5 leh ventilator zahnih a rang thei ang bera pe turin sorkar laipui a dil
8:11 PM
Bhopal Health Dept director-in Covid-19 test a positive
7:59 PM
Rajya Sabha inthlan hun tur ECI-in a ṭhulh lailawk a, inthlan hun tur ni a tuk leh ang
7:57 PM
Finance Ministry-in state hrang hrang hnenah cheng vbc 17,287.08 a pe a, hetah hian 15th Finance Commission hnuaia Revenue Deficit Grant cheng vbc vbc 6195.08 pawh a tel a, hemi bik dawngtu state-te chu; Andhra Pradesh, Assam, Himachal Pradesh, Kerala, Manipur, Meghalaya, Mizoram, Nagaland, Punjab, Sikkim, Tamil Nadu, Tripura, Uttarakhand leh West Bengal-te a ni a, a bak zawng cheng vbc 11092 hi State Disaster Response Mitigation Fund (SDRMF) 2020-2021 inkara Sorlar Laipui tum tura ruat, thawh khatna a ni a, state zawng zawngah sem darh a ni a, Mizoram sorkar hnena SDRMF pek zat chu nuai 2350 a ni
7:48 PM
Covid-19 hripui leng vanga Jail tawt lutuk tih ziaawmna tura Supreme Court thupek angin Mizoram chhung Jail hrang hranga tang mek mi 338 chhuah an ni; tang chhuah zinga 48 chu thiam loh chantir tawh, an tân hun chhung zawh hnaih tawh vanga sorkarin an tân hun chhung tih tawi sak an ni a, a dang 290-te chu a ṭum khatna atana an thiltih sual vanga an chungthu ngaihtuah mek, an chungchanga thutlukna la siam lohte an ni a, PR Bond-in Court chuan a chhuah a ni. He thutlukna hi Gauhati High Court Judge Justice Pu Michael Zothankhuma Chairman-na, High Power Committee-in a rawt anga siam a ni
7:41 PM
Ministry of Home Affairs-in State Disaster Risk Management Fund-ah cheng vbc 11,092 chhun luh turin a ruahman, hei hi SDRMF 2020-21 ṭhen khatna a ni
7:39 PM
Pune-a Tablighi Jamaat mi leh sa khunghran (quarantine) lai mi 10 an tlan bo, thubuai ziah luh a ni tawh a, zawn mek an ni
7:33 PM
Punjab: Ludhiana-ah lockdown bawhchhia mi 1100 hren mek an ni
7:31 PM
Chhatisgarh-ah Tablighi Jamaat chihmtu mi 50 test mek an ni
7:15 PM
Uttar Pradesh: Tablighi Jamaat chhimtu 47 test-ah an positive
7:14 PM
UK-ah darkar 24 chhungin Covid-19 vanga thi 684 an awm
7:07 PM
Delhi RML Hospital chu Covid-19 Isolation Ward atan ruat a ni: Health Minister
7:04 PM
Karnataka sorkar-in Indira Canteen aṭanga a thlawna chaw a sem ṭhin a titawp rih
7:02 PM
Mumbai-ah CISF sipai 10 test-ah an positive
6:33 PM
Kerala-ah case 296 a awm tawh a, 206 chu ram pawna lo zin tawh an ni
6:28 PM
Tamil Nadu-ah case thar 102 a awm a, 100 chu Tablighi Jamaat kaihhnawih a ni
6:25 PM
Uttar Pradesh-ah Covid-19 case thar 172 a awm a, heng zinga 47 chu Tablighi Jamaat kaihhnawih a ni
172 cases of Covid-19 in UP, 47 from Tablighi Jamaat
6:20 PM
Karnataka-ah Covid-19 case 128 a awm tawh
6:18 PM
Kerala-ah vawiin khan case thar 9 a awm a, state pumah 295 a awm mek
6:09 PM
Delhi chhungah tualchhunga inkaichhawng case 38 chiah a awm: Kejriwal
6:08 PM
Haryana-a BPL chhungkua te hnenah mi pakhatah ration kg 10 zel pek a ni dawn tih state CM-in a sawi
5:53 PM
British PM Boris Johnson a la inkhunghrang chhunzawm rih dawn
5:45 PM
April ni 1 thleng khan Indian Railways-in mask 2,87,704 leh sanitiser litre 25,806 a siam chhuak tawh
5:41 PM
Iran-ah mi 134 an thih belh leh a, he rama thi tawh zat chu 3294 a ni
5:40 PM
Maharashtra Deputy CM Ajit Pawar-a’n PPE, Mask leh Ventilator manah GST la lo turin Finance Minister hnenah rawtna a thlen
5:37 PM
Assam-ah positive case thar 4 an awm a, state pumah 20 an awm tawh
5:36 PM
UP: Lucknow Sadar Bazar khar a ni
5:35 PM
Mumbai: Ulhasnagar, Kalyan leh Dombivali-te khar rih a ni
5:33 PM
J&K-ah vawiin khan case thar 5 chhinchhiah a ni
5:29 PM
Delhi-ah ventilator nena enkawl ngai mi 2 an awm mek: Kejriwal
5:27 PM
Delhi sorkar-in chhawmdawlna hmunpui 328 a din tawh a, heng hmunah hian tupawh an lo kal theih a ni: CM Kejriwal
5:22 PM
Khawvel pumah coronanavirus case 10,00,000 a awm tawh a, thi zatin 52000 a pel tawh, Italy-ah thi an tam ber a, US-in confirmed case an ngah ber a ni
5:21 PM
Delhi-a US Embassy hnathawk mi pakhat Covid-19 test-ah a positive
5:18 PM
Delhi-ah Covid-19 vanga thi mi 5 an awm tawh a, 1 chu Nizammuddin Markaz punkhawmnaa kal ve a ni: Kejriwal
5:16 PM
Darkar 24 chhungin Delhi-ah case thar 91 a awm, a vaiin 384 a awm tawh: CM
5:12 PM
Punjab-ah Covid-19 case thar 51 a awm
5:10 PM
Tamil Nadu-ah case thar 102 a awm tawh a, state pumah 411 a awm tawh
5:07 PM
Lockdown vanga rilṭam an awm tur a ni lo: President
5:06 PM
Coronavirus do kawngah Tablighi Jamaat punkhawm leh inhlawhfa kea haw tum pungkhawmin hmalakna a ti sukuk: President
5:04 PM
President Ram Nath Kovind leh Vice President Venkaiah Naidu-ten state hrang hrang larsap an kâwm
5:01 PM
MHA-in control room pahnih a siam belh a, North East lam kaihhnawih bik atan 1944-ah biak pawh theih an ni a, ram pum huap control room biak pawhna chu 1930 a ni
5:00 PM
Oman ram mi Kerala-a lockdown vanga tangkhangte chu vawiin khan Cochin aṭangin Oman Air thlawhnain haw tir an ni
4:56 PM
Ramin tun dinhmunah tlakchham em em a la nei lo: Chemicals & Fertilizers Minister Sadananda Gowda
4:43 PM
Tablighi Jamaat mi leh sa, a kawhmawh bâwk zawnga khawsa te dim lo turin Home Ministry-in hriattirna a chhuah a, National Security Act tlawhchhana thubuai siam sak turin a ti
4:40 PM
Darkar 24 chhungin sample 8000 test a ni
4:39 PM
Rampumah Covid-19 test theihna laboratory 182 a awm tawh: ICMR
4:35 PM
Vawiina President Ram Nath Kovind-a’n video conference-a state hrang hrang larsap a biaknaah, Mizoram larsap PS Sreedharan Pillai chuan Mizoram mamawh zualte a thlen a ni.
4:34 PM
Mamit District: Sorkar siam Quarantine Facility hrang hranga awm mi 4 leh mahni in lama inkhunghrang mi 15 chhuah an ni a, heng mite hi April ni 3 khan khunghran an lo ni tawh a, ni 14 khunghran an ni tawh a ni. Tun dinhmunah sorkar Quarantine Facility-ah mi 6 an la awm a, mahni ina inkhunghrang mi 62 an awm mek bawk a ni
4:33 PM
CM Relief Fund hman dan tur ngaihtuahtu, “Committee on Utilization of CM Relief Fund for COVID-19” chu an Chairman Pu Lalnunmawia Chuaungo, Chief Secretary hovin an ṭhukhawm a, CM Relief Fund hi ṭhuang thuma sem turin an ruahman a, Mizoram hmun hrang hranga Village Level Task Force leh Local Level Task Force din tawh, 889 hnenah sumfai cheng nuai 88.9 semchhuah a ni ang a, Lawipu, Rangvamual leh Eden Thar lama BSUP Complex-a cheng chhungkaw 600-te hnenah cheng nuai 6 sem a ni ang a, Home, Rehabilitation Centre hrang hrang leh nau hnuchham enkawlna 67-ah cheng nuai 23.65 sem a ni bawk ang, sum sem tur zawng zawng hi a vaiin cheng nuai 118.55 a ni
4:30 PM
Doctor leh Nurse leh health worker-te lakah kawhmawh bâwl zawnga khawsa lo turin Health Minister-in ngenna a siam
4:20 PM
Tablighi Jamaat punkhawm vangin ni hnih chhungin state hrang hrang 14-ah case thar 647 chhinchhiah a ni tawh
4:17 PM
Vawiinah case thar 336 a awm tawh a, case awm tawh zawng zawng hi 2301 a ni tawh: Health Min
4:10 PM
Nizamuddin Markaz thenfai leh a hmun tihruah vela chhawr police 12 vel chawlh tir rih an ni: Delhi Police
4:05 PM
Rajasthan-ah Covid-19 case 161 a awm tawh a, vawiinah case thar 25 a awm
4:01 PM
Supreme Court-a thuneitu rualin cheng 1,00,61,989 PM-CARES Fund-ah an pe
3:06 PM
Haryana-ah Coronavirus case thar 43 chhinchhiah a ni
2:38 PM
Madhya Pradesh: National Security Act tlawhchhanin health worker kutthlaktute mi 4 thubuai siam sak an ni
2:12 PM
Singapore-ah hnathawhna hmun leh zirna in khar a ni
2:09 PM
Odisha: Bhubaneswar leh Bhadrak-ah darkar 48 Curfew puan a ni
1:35 PM
Bihar: Tablighi Jamaat member 57 zinga 35 hmuh an ni tawh
1:09 PM
Britain-a coronanavirus case san ber ṭum a thlen thuai rin a ni
12:35 PM
WHO team-in Rajasthan Tonk district an tlawh dawn
12:33 PM
Andhra Pradesh: Covid-19 kai enkawl lai 161 an awm a, heng zinga 140 chu Tablighi Jamaat nena inkaihhnawihna nei an ni
12:23 PM
Chandigarh-ah hmeichhe pakhat a thi ve leh
11:34 AM
Defence Minister Rajnath Singh hovin MinPMer rual an ṭhukhawm
11:10 AM
Andhra Pradesh-ah case thar 12 chhinchhiah a ni
11:04 AM
Union Health Minister Harsh Vardhan-a’n ram dinhmun chungchangah Press mite a kawm
10:54 AM
China: April ni 4 hian Coronavirus vanga thi zawng zawng hriatrengna hun hman a ni dawn
10:51 AM
Gujarat: Covid-19 kai enkawl lai pakhat a thi
10:37 AM
Germany-ah coronavirus case 79,696 a awm tawh
10:32 AM
Shillong: NEIGRIHMS damdawiin chuan Covid-19 kâi ni lo damlo enkawl ngai an awm a nih chuan state pawn lam aṭang pawhin pan theih an ni tih a sawi. NEIGRIHMS Director DM Thappa chuan heng damlo te hi an awmna state-a health lam thuneitute’n an tirh chauh an lo dawnsawn tur thu leh mi pakhat chauh awmpuitu an neih theih thu te leh sorkar ruahman angin ni 14 chhung khunghran an ngaih tur thu a sawi a ni
10:28 AM
President Ram Nath Kovind-a’n Covid-19 do lêt chungchangah State leh UT Governor leh Lt Governor-te video conferencing hmangin a kawm
10:09 AM
Editors Guild of India-in ramchhung hmun ṭhenkhata inhlawhfa kea haw tumte chungchanga Supreme Court hmaa sorkarin chanchinbumite a dem chu thil ṭha lo tak a nih thu leh hei hian chanchin thar darh zau tur pawh a dâl theih thu leh Democracy ramte’n hrilêng bei turin media an hrek lo tih a sawi
09:58 AM
West Bengal-a Trinamool MP Mahua Moitra-a’n bati chhi tura PM ngenna a sawisel, ram sum dehchhuah aṭangin za zela 8 aṭanga 10 ṭanpuinaa sem turin a ti
09:43 AM
PM Modi leh BCCI President Sourav Ganguly te online-in an inkawm dawn
09:32 AM
Mumbai: Dharavi doctor test-ah a positive
09:23 AM
South Korea-in case thar 86 a neih belh, case 10,000 chuan a nei tawh
09:17 AM
Coronavirus beihlêtna tihlanna atan PM Modi-a’n April ni 5 zan dar 9:00-ah minute 9 bati chhi turin mipui a ngen
09:11 AM
PM Modi thuchah: Coronavirus hri lên laia India khua leh tuite inpumkhatna chu ram dang tan pawh entawn tlak a ni
08:39 AM
Agra: Tablighi Jamaat khawmpui chhimtu 6 an positive belh
08:37 AM
Hmaituam a tawk lo a, midang nen inhlat taka awm a ngai: White House
08:32 AM
Tamil Nadu-ah case 309 a awm tawh a, ram pumah a sang ber dawttu a ni
08:28 AM
Rajasthan-ah case thar 7 a awm
08:22 AM
China ram bung khat, Hubei-ah coronavirus vanga thi 4 an awm belh
08:16 AM
World Bank-in India tan Coronavirus Emergency Fund US Dollar (USD) tld. khat pek a remti, hei bakah hian PakAMan tan USD mtd 200, AfghanAMan tan USD mtd 100, Maldives tan USD mtd 7.3, Sri Lanka tan USD mtd 128.6 pek a remti bawk
08:02 AM
Darkar 24 kalta chhung khan rampumah case thar 460 chhinchhiah a ni
April ni 3, zing dar 9:00 thlenga Health Ministry chhinchhiah dan chu hetiang hi a ni;
Enkawl lai – 2088
Enkawl dam tawh – 156
Thi zât – 56
Hmun/Ram danga sawn – 1
