He live blog hi tihtâwp a ni tawh a, April ni 10 live blog en duh tan;
https://www.zonet.in/covid-live-apr10/
12:05 AM
UK PM Boris Johnson chu ICU aṭangin chhuah tir a ni a, damdawiin erawh a la chhuahsan lo
11:53 PM
Punjab: Zirna in zawng zawngin an hnathawk chhawr zawng zawng hlawh a kimin an pe ang a, zirlai hnenah emaw, an chhungte hnenah emaw, lehkhabu, uniform leh veivahna man an dil lui tur a ni lo a, online-a class pek chhuanlam avangin fee an dil thiang lo: State Education Minister Vijay Inder Singla
11:39 PM
Andaman-a Covid-19 positive 10 awm te chu test-ah an negative vek tawh a, damdawiin aṭangin chhuah tir an ni tawh a, kar hni chhung khunghran leh an ni ang: Cheif Secy Chetan Sanghi
11:12 PM
Uttar Pradesh: Hmai tuamna emaw, hmui tuamna emaw tellovin pawn chhuah khap a ni
11:06 PM
Pakista PM Imran Khan-a’n India leh Bangladesh-ten Covid-19 a buaipui dan an en reng tih a sawi
11:04 PM
Khawvel pumah Coronavirus vanga thi mi sing 9 chuang an awm tawh
10:56 PM
Bihar-ah case thar 20 chhinchhiah a ni a, state pumah hian case 58 a awm tawh a ni
10:51 PM
Dewal Housing Finance Corporation Ltd (DHFL) hotute zing ami, Kapil Wadhawan leh a ṭhuihruai mi 22 chu Mahabaleshwar-ah lockdown bawhchhiat vangin man an ni a, sorkar hmun siamah khunghran mek an ni. DHFL hi sum peipung ṭhin company a ni a, inhmun/insakna loan te, dahkhama loan lak te leh a kaihhnawih thila sumdawng lian tak an ni a, Kapil Wadhawan leh a unaupa chu DHFL leh Yes Bank kaihhnawih sum tihchingpen thubuaiah bail-in chhuah mek an ni. Maharashtra Home Minister Anil Deshmukh chuan chhuah phalna an neih dan thlengin chhui a ni dawn tih a sawi.
10:35 PM
Uttarakhand: Doctor leh nurse leh medical lam thil zirna department chhawmdawlna atan CM Relief Fund aṭangin cheng vbc 10 dah hran a ni
10:30 PM
Damlo enkawlna bungrua leh mamawh hrang hrang, ventilator, hmaituamna, PPE leh Covid-19 test kit-a chhiah leh thil dang chawi awm ṭhin sorkar laipuiin a titawp rih, hei hi September ni 30 thleng a ni ang
10:22 PM
Intelligence Bureau (IB) hnathawkten an ni khat hlawh tling khawm cheng vbc 3.5 PM-CARES Fund-ah an pe
10:15 PM
UK-ah vawiin khan case thar 881 a chhinchhiah belh
10:13 PM
Vawiinah Uttarakhand-in case thar a nei lo
10:10 PM
Delhi: Hri darh tamna hmun (hotspot) 25 tlawh pawh theih loha khar a ni tawh
10:01 PM
Indore khawpuia Covid-19 awm tawh zat chu 221 a ni a, Bhopal-ah chuan 98 a ni: Madhya Pradesh Health Department
9:58 PM
Naktuk hian Assam-ah inkhunghrang tura tih hun chhug (ni 14) hmang zo tawh mi 70,000 chhuah an ni dawn: State Healh Minister Himanta Biswa Sarma
9:46 PM
SAARC Covid-19 Emergency Fund-ah Pakistan-in US Dollar mtd 3 pek a tiam
9:44 PM
Delhi: Cancer vei enkawl lai mi 3-in anmahni enkawltu doctor aṭangin Covid-19 an kai, an vai hian Delhi Cancer Institute-a enkawl lai an ni
9:05 PM
Delhi: Ganga Ram Hospital-a thawk 114 khunghran zinga 2 an positive
8:50 PM
Maharashtra: Vawiin khan Covid-19 vanga thi mi 25 an awm belh a, thi tawh zawng zawng zat chu 97 a ni a, positive case 229 hmuh belh a ni bawk a, positive case zawng zawng zat chu 1364 a ni
8:30 PM
Assam-ah positive pakhat hmuh belh a ni a, Tablighi Jamaat chhimtu nen intawh vanga kai nia hriat a ni. Assam-ah hian positive 29 a awm tawh a, District hrang hranga positive awm dan chu hetiang hi a ni: Golaghat – 9, Morigaon – 4, Nalbari – 4, Goalpara – 3, Dhubri – 2, Karimganj – 1, South Shalmara – 1, Kamrup (Metro) – 1, Kamrup (Rural) – 1, Lakhimpur – 1, Cachar – 1, Hailakandi – 1
8:28 PM
Madhya Pradesh: State sorkarin hmaituam lova pawn chhuah a khap
8:24 PM
Gujarat: Case thar 21 chhinchhiah a ni a, a vaiin 262 a awm tawh a ni
8:19 PM
Vawiinah Delhi-ah case thar 51 chhinchhiah a ni a, a vaiin case 720 a awm tawh a ni
8:15 PM
Mumbai khawpuia chep taka in luah te zirna in hrang hrangah awm tir rih an ni dawn, Mumbai-ah hian hmun ṭhenkhat chu a bit hle a, feet 10 bial room pakhatah mi 15 cheng ho te pawh an awm a, vantlang inthiarna tihfai pawh a hautak sâwt hle tih an state Health Minister Rajesh Tope chuan a sawi
8:05 PM
Maharashtra: Covid-19 case 1346 a awm tawh a, State Reserve Police Force-in khauh zawkin lockdown an kalpui dawn
8:04 PM
Karnataka: Thu leh awm hma chu pawl 10 exam ṭhulh lailawk a ni
8:02 PM
Pune: Vawiinah mi 3 an thih belh a, thi tawh zawng zawng 24 a ni
7:58 PM
Maharashtra: Sangli-ah Covid-19 kai 14 enkawl dam an ni
7:45 PM
Madhya Pradesh: Case 397 a awm tawh. Hotspot hrang hrang tlawh pawh theih loha khar rih a ni
7:33 PM
Goa: Covid-19 kâite Ayurveda leh natna langchhuak bei lêt thei damdawi leh enkawlna pek an ni
7:23 PM
Covid-19 vanga tunhnaia thi hmeichhe pakhat chhungte 4 Mumbai khawpui chhuahsan tum man an ni
7:20 PM
Telangana-ah case thar 18 a awm a, a vaiin case 471 a awm tawh\
7:17 PM
Rampum dinhmun: Covid-19 vanga thi zat chu 169 a ni a, case awm tawh zawng zawng chu 5865 a ni: Health Ministry
7:03 PM
Haryana: Covid-19 kai enkawl tura tih medical staff zawng zawng an hlawh a lêtin tih pun a ni
6:59 PM
Mumbai: Covid-19 vanga thi mi 54 an awm tawh a, case 775 a awm tawh bawk: Brihanmumbai Municipal Corporation (BMC)
6:51 PM
Haryana: Police zingah Covid-19 kaihhnawih thila thi an awm chuan cheng nuai 30 zângnadawmna pek an ni ang
6:47 PM
Tamil Nadu: Vawiin khan mi 96 test result hriat a ni a, an zinga 84 an positive. State pumah case 834 a awm tawh a, heng zinga 763 chu “hmun/mi pakhat” aṭanga kai vek an ni: Tamil Nadu Health Secretary
6:43 PM
Italy: Covid-19 vangin doctor 100 an thi tawh
6:43 PM
Kerala: Case thar 12 a awm belh a, a vaiin case 357 a awm tawh
6:36 PM
West Bengal: Case thar 12 chhinchhiah a ni a, a vaiin case 80 a awm tawh: CM
6:32 PM
Punjab: Mi 24 test-ah an positve belh a, state pumah 130 positive an awm tawh a ni
6:30 PM
Madhya Pradesh: Indore-ah Covid-19 kai kum 44 mi pa pakhat a thi, Indore-ah hian mi 23 an thi tawh a ni
6:24 PM
Uttar Pradesh: Case thar 67 chhinchhiah belh a ni a, Tablighi Jamaat kaihhnawih vek a ni a, state pumah hian case 410 a awm tawh a ni
6:21 PM
Boris Johnson dinhmun a ṭha chho zel
6:18 PM
Covid-19 chungchangah PM Modi leh Uganda President an inbia
6:15 PM
Haryana-a case awm tawh 136 zinga 106 chu Tablighi Jamaat kaihhnawih a ni
6:14 PM
Bihar: Covid-19 kâi awmna veng leh thler hrang hrang tlawh pawh theih loha khar a ni
6:10 PM
Delhi Safdarjung damdawiina thawk doctor pahnih kut thlak an nih chungchangah Delhi CM a ṭawng chhuak a, dan bawhchhia reng reng na taka hrem an ni ang a ti
6:05 PM
Karnataka-ah case thar 16 chhinchhiah a ni a, a vaiin case 197 a awm tawh
6:03 PM
Pune-ah Covid-19 vangin mi 3 an thih belh a, a vaiin mi 21 an thi tawh a ni
6:02 PM
Odisha: Hmaituamna tel loa pawn chhuah phal a ni lo a, bawhchhia chu hrem theih an ni
5:56 PM
Khawvel ram hrang hrang tan kumin hi sum dinhmun chhiat ber a ni thei a, ram 170 chuangin kum khata an sum lakluh ṭhin nasa takin a tlakhniam bakah, a ṭhanna pawh a lêt zawngin a kal dawn niin a lang: International Monetary Fund (IMF) Managing Director Kristalina Georgieva
5:45 PM
Mizoram: Covid-19 kai damlo enkawl lai khawsik a zia awm a, a taksa peng hnathawh pawh a ṭha a, Ventilator nena enkawl a la ni a, Oxygen erawh a hma aia tlemin pek a ni tawh. April ni 5 (ZMC Covid-19 Laboratory hawn hma) khan a sample ennawn tura thawn a ni a, result nghah mek a ni: DIPR Mizoram
5:40 PM
Assam: Hailakandi-a Covid-19 kai damlo enkawl lai dinhmun a tlahniam, oxygen a taksa in a mamawh khawp a hmu lo ṭan, Silchar Medical College & Hospital ICU-ah dah luh a ni
5:39 PM
Mi nuai 71 hnenah a thlawnin ration sem a ni: Delhi CM
5:34 PM
Delhi: Bengali Market-a dawrkai pakhatin a hnathak chhawr mi 35-te hmun ṭawp leh ṭenghneng takah a awm tir avangin thubuai siam sak a ni
5:32 PM
Coronavirus hrilêng chungchanga thawh dun theih dan tur PM Modi leh South Korea President Moon Jae-In ten an sawi dun
5:20 PM
Sorkar laipuiin Covid-19 Emergency Response and Health System Preparedness Package atan cheng vbc 15,000 dah a remti
5:16 PM
Uttar Pradesh: Pilibhit-ah kum 71-a upa hmeichhe pakhat enkawl dam a ni
5:14 PM
West Bengal-ah mi 12 an positive belh a, postive 80 an awm tawh
5:10 PM
Mumbai Dharavi-ah mi pakhat a thih belh a, a vaiin mi 3 an thi tawh a ni
4:56 PM
Kashmir-ah case thar 24 hmuh belh a ni a, J&K-a case awm tawh zawng zawng chu 184 a ni
4:52 PM
Uttar Pradesh-ah Covid-19 case 410 a awm tawh a, 221 chu Tablighi Jamaat punkhawm nena inzawmna nei a ni. Mi 4 an thi tawh a, mi 31 enkawl dam an ni tawh. Lockdown bawhchhiat vangin mi 39857 thubuai siam sak an ni tawh bawk a, thu dik lo thehdarh vangin thubuai 78 ziah luh a ni tawh bawk
4:47 PM
Maharashtra: MLA leh Minister-te hlawh kum khat chhung za zelah 30-in tihhniam a ni
4:40 PM
Thisen pek chungchangah sorkar laipuiin inkaihhruaina thar a siam
4:26 PM
Sample nuai 1.3 test a ni tawh: ICMR
4:23 PM
Indian Railways hnuaia doctor 2500 leh medical lam thiam staff, 35000 ramchhung hmun hrang hrangah an thawhpuite puibawm tura tirh an ni: Lav Agarwal, Health Ministry Joint Secretary
4:19 PM
PPE vbc 1.7 leh ventilator 49000 sorkar laipuiin a lei belh dawn a, ram chhungah PPE siam thei 20 an awm tawh: Health Ministry
4:12 PM
Darkar 24 chhungin ramchhung hmun hrang hrangah case 549 a awm belh a, case awm tawh zawng zawng chu 5734 a ni: Health Ministry
2:44 PM
Karnataka: Minister leh MLA-te’n an hlawh za zelah 30-in an ti hniam
2:42 PM
Delhi: GB Pant Hospital chu Covid-19 kâi enkawlna bik damdawiin atan hman chhunzawm a ni dawn lo
2:04 PM
Covid-19 chungchangah UNSC member-te video-conferencing hmangin an ṭhukhawm
1:51 PM
UK PM Boris Johnson dinhmun a ṭha chho zel
1:48 PM
Karnataka: Case thar 10 a awm
12:56 PM
Khawvel pumah Coronavirus case mtd 1.5 chhinchhiah a ni tawh
12:55 PM
Odisha-in April ni 30 thleng lockdown a pawtsei a, state zinga lockdown pawtsei hmasa ber a ni
11:35 AM
Delhi: Rapid Testing Kit a thleng ṭep a, hri darh tam zualna (hotspot)-ah hman hmasak a ni ang: Delhi Health Minister Satyendra Jain
11:25 AM
Mumbai-ah case thar 143 chhinchhiah a ni
11:24 AM
Andhra Pradesh-ah darkar 12 case thar a awm tawh lo
11:07 AM
Gujarat-ah case thar 55 a awm belh
11:04 AM
US-ah damdawi chi hrang hrang 10 enchhin mek a ni: Donald Trump
10:50 AM
Mumbai: Brihanmumbai Municipal Corporation, BMC-in South Korea aṭangin rapid test kit nuai 1 a lei dawn
10:15 AM
Khawvel puma Coronavirus vanga thi zatin 88,000 a pel
09:46 AM
Myanmar Rakhine-a Rohingya Muslim ṭhahnem tak sipai sorkarin a hren te chu tânin tih thawlna atan chhuah an ni
09:40 AM
Ramchhung: Maharashtra-ah thi an tam ta ber a, mi 72 an thi tawh a, a dawttu, Gujarat-ah chuan thi 16 an awm tawh a, Madhya Pradesh-ah mi 13 an thi tawh a, Delhi-ah mi 9 an thi tawh a, Tamil Nadu leh Punjab-ah mi 8 ve ve an thi tawh a, Telangana-ah mi 7 an thi tawh a ni
09:30 AM
GoM on Coronavirus (Group of Ministers) chu vawiin hian an ṭhukhawm leh dawn
09:28 AM
Brazil President Bolsonaro-a’n HCQ damdawi an siam chhunzawm theihna tur India aṭanga an dawn tur thu leh PM Modi chunga a lawm thu a sawi
08:40 AM
Ramchhung: Darkar 24 chhungin case thar 540 a awm a, thi 17 an awm bawk
08:05 AM
New Delhi: Kum 42-a upa pa pakhatin chawhmeh lei tura chhuak hmeichhe doctor pahnih Coronavirus thehdarha puhin a tibuai a, man nghal a ni, Doctor pahnihte hi Safdarjung Hospital-a thawk an ni a, Coronavirus Duty-a koh an ni lo hrim hrim a ni
07:38 AM
US-ah nilaini chhungin mi 1973 an thih belh, thi tawh zawng zawng zat hi 14695 a ni a, th izingah hian India khua leh tui 16 an tel a ni. US hian a ni zâwnin thi tam ber ṭum an chhinchhiah tawh a, thi tam zatah Spain an pel tawh a ni
