He live blog hi tihtâwp a ni tawh a, April ni 12 live blog en duh tan;
https://www.zonet.in/apr11-covid19-liveblog/
11:33 PM
New York-ah 783 an thih belh
11:28 PM
Chandigarh: Hmaituam loa pawn chhuak mi 9 thubuai siam sak an ni
11:18 PM
Kel leh bawng hnute ngeih lo naupang pakhat a awm avangin Indian Railways-in Mumbai-a cheng chhungkaw pakhat tan sanghawngsei hnute tui a phurh sak
11:10 PM
Italy-ah mi 619 an thih belh a, a vaiin mi 19,468 an thi tawh a, positive tawh zawng zawng zat chu 15,2271 a ni a, ni khata positive belh zat hi 4694 a ni
11:08 PM
Uttarakhand: Rishikesh-ah lockdown bawhchhia ram pawn lam mi 10 man an ni a, lockdown an bawhchhiat avanga an inchhir thu vawi 500 ziah tira hrem an ni: Police
11:03 PM
Delhi: Nimin thleng khan case 903 chhinchhiah a ni a, vawiinah case 166 belh a ni a, a vaiin case 1069 a awm tawh a, mi 19 an thi tawh a ni
10:59 PM
J&K: Nizamuddin punkhawm chhimtu pakhatin a zin thu a thup avangin thubuai siam sak a ni
10:57 PM
Delhi: Deoli Extension leh Jahangirpuri-a veng ṭhenkhat luh leh chhuah khuahkhirhna hmun (containment zone)-ah puan belh a ni a, hetianga khuahkhirh hi Delhi-ah hmun 33 a awm tawh
10:55 PM
Covid-19 case tam dan azirin sorkar laipuiin chhinchhiahna atan a nasat dan indawtin, red zone, orange zone leh green zone te a hmang mai thei a, zone azirin lockdown khuahkhirna pawh khauh zawk emaw, thla dul emaw, a ni thei dawn a ni. Hetianga hmun thliarna hi state hrang hrang chuan hman tumin ruahmanna te pawh an siam tawh a ni
10:53 PM
France: Vawiin (an ramah chuan zirtawpni) thlengin mi 1000 tling lo deuh an thi tawh a, ICU-a dah luh zat erawh a tlahniam
10:49 PM
Pune-ah mi 3 an thih belh a, a vaiin mi 29 an thi tawh a, case 263 a awm tawh
10:48 PM
Hyderabad: Covid-19 kai vanga enkawl dam tawha ngaih pakhat chu a test vawi hnihnaah a positive leh avangin damdawiinah dah luh leh a ni
10:42 PM
Telangana-ah April ni 30 thleng lockdown pawhsei a ni
10:39 PM
Singapore-ah case thar 191 a awm a, heng zinga 51 chu India khua leh tui an ni
10:33 PM
Prime Minister hlui, HD Devegowda-a’n PM CARES Fund leh Karnataka leh Kerala CM Relief Fund-ah te cheng nuai khat ṭheuh a pe
10:18 PM
Noida: Doctor leh medical mi te tana harsatna siam reng reng an dim dawn lo tih police-in an sawi
10:11 PM
Tablighi Jammat punkhawm aṭanga hri kai an la pung chhunzawm zela, vawiina ram puma case thar chhinchhiah 603 zinga 257 chu Jammat nen inkaihhnawihna nei tih finfiah a ni tawh
10:06 PM
Covid-19 vanga thi tam lamah US-in Italy a khûm
9:58 PM
April ni 11, 2020 tlai dar 5:00 thlenga Ministry of Health & Family Welfare chhinchhiah dan chu hetiang hi a ni;
Enkawl lâi – 6634 (punna – 595)
Enkawl dam tawh – 652 (punna – 137)
Thi zât – 242 (punna – 36)
Hmun danga pêm/insawn – 1
(punna hi April ni 10 tlai dar 5:00 thlenga chhinchhiah zat nen khaikhin a ni)
9:57 PM
Mizoram: Vantlang hmunah chil chhak khap a ni a, thupek bawhchhia chu The Mizoram Epidemic Diseases (COVID-19) Regulations, 2020 Section 13 tlawhchhanin hrem theih an ni
9:34 PM
Telangana-ah case 503 a awm tawh a, thi 14 an awm tawh bawk
9:31 PM
Pakistan-ah case 4970 a awm tawh a, thawṭanni hian lockdown chungchangah sorkarin thutlukna siam a tum
9:29 PM
IndiGo-in an hnathawk chhawr mi pakhat Chennai-ah Covid-19 vangin a thi tih a sawi
9:14 PM
Maharashtra: Darkar 24 chhungin case thar 187 a awm belh a, a vaiin case 1761 a awm tawh
9:06 PM
Maharashtra: Sorkarin awmhmuna zu chah (home delivery) a remti lo
9:02 PM
A tahtawla lockdown thlah dul an duh tih Kerala CM Pinarayi Vijayan chuan a sawi
8:50 PM
Chhattisgarh: Hmaituamna tellova pâwn chhuah khap a ni
8:49 PM
Mizoram sorkarin tualchhunga siam Hand Sanitizer ṭhat tawk leh tawk loh enchhin zel turin a ti
8:45 PM
Delhi sorkarin taxi khalh leh vantlang lirthei khalhtute hnenah cheng 5000 ṭheuh a pe dawn
8:38 PM
Goa: Tablighi Jamaat member mi 46 test-ah an negative
8:37 PM
Goa: Positive case 6 aṭangin 2-ah a tlahniam: Goa Health Minister
8:23 PM
Gujarat-ah case thar 36 hmuh belh a ni a state pumah case 468 a awm tawh a, thi 3 an awm belh a, thi tawh zawng zawng zat chu 22 a ni
8:14 PM
Lockdown pawhsei an duh rualin, ram leh state chhunga sumdawnna thil che vel erawh tun aia khuahkhirh nep deuh turin an duh thu rawtna an thlen tih Goa CM Pramod Sawant-a’n a sawi
8:09 PM
Mangalore: Thla 10 leka upa nausen, Covid-19 test lo postive tawh chu enkawl dam a ni
8:07 PM
Punjab sorkarin an state chhunga ram pawn lam mi tangkhangte haw theih dan tur a ngaihtuah sak
8:04 PM
Maharashtra: Mipuiin midangte nena inhlat, social distancing an zawm ṭhat loh chuan April ni 30 hnu lam thleng pawhin lockdown pawhsei a ni ang: Health minister
7:55 PM
Karnataka: Positive mi 8 an awm belh a, state pumah case 215 a awm tawh: Health department
7:49 PM
Associated Chambers of Commerce and Industry of India, ASSOCHAM-in lcokdown pawhsei an thlawp tih an President, Niranjan Hiranandani chuan a sawi
7:46 PM
Rajasthan: Pawl 9 aṭanga Pawl 11 zirlai zawng zawng pâwl kai tir an ni ang
7:34 PM
Odisha: Positive case thar 50 a awm belh
7:32 PM
UK: Covid-19 vangin mi 917 an thih belh
7:20 PM
Kuwait-ah doctor 15 tirh an ni a, kar hnih an châm ang
7:10 PM
Tamil Nadu: Vawiin thlenga ina inkhunghrang, mi 51996 an awm tawh a, damdawiina dah hran lai 1884 an awm a, mi 44 enkawl dam an ni tawh a, mi 10 an thi tawh. Sample 9842 test a ni tawh a, 969 a positive tawh a, sample 1094 result nghah lai a awm. Chennai khawpuiah kai an tam ber a, case 182 a awm tawh
7:03 PM
Lucknow-ah Canada khua leh tui hmeichhe pakhat leh a fapa enkawl dam an ni a, damdawiin an chhuahsan
6:55 PM
Ministry hrang hranga Joint Secretary-te chu thawhṭanni aṭang hian an hna chhunzawm tura ngaih an ni
6:55 PM
Tamil Nadu sorkar-in lockdown a pawhsei leh sei lo thuah sorkar laipui ruahmanna angin a kal tur thu leh thuchhuak ngaihchan a nih thu State Chief Secretary Shanmugam-a’n a sawi
6:42 PM
Noida: April ni 30 thleng Section 144 pawhsei a ni a, inluah man dil lui reng reng National Security Act tlawhchhanin thubuai siam sak theih an ni
6:38 PM
Tamil Nadu chief secretary K Shanmugam-a’n test kit 15000 an nei thi a sawi
6:27 PM
HCQ tam zawk siam chhuahna tur ruahman mek a ni
6:24 PM
Kerala-ah case thar 10 a awm a, an vaiin enkawl lai mi 228 an awm mek
6:18 PM
West Bengal: April ni 30 thleng lockdown pawhsei a ni
6:10 PM
Andhra Pradesh: Case thar 24 chhinchhiah a ni
5:53 PM
Uttar Pradesh: Case thar 15 a awm belh a, a vaiin 448 a awm tawh
5:34 PM
Chawlhkar hnih chhung lockdown pawhsei sorkar laipuiin a thlawp a, thu a chhuah thuai rin a ni tih Karnataka CM BS Yediyurappa chuan a sawi
5:24 PM
April ni 30 thleng lockdown pawhsei West Bengal-in a thlawp a, June ni 10 thleng zirna in zawng zawng khar chhunzawm a ni dawn tih CM-in a sawi
5:20 PM
Maharashtra-ah April thla chhung lockdown kalpui a ni dawn: CM Uddhav Thackeray
5:15 PM
West Bengal-in Covid-19 beihletnaa hman atan, State tan Special Package a dil: CM Mamata Banerjee
5:13 PM
President Ram Nath Kovind-a’n ramchhung leh pawna Christian hrang hrangte Easter chibai a buk a, he hun hi ram inpumkhatna atana ke penna rahbi ni se a duh thu a sawi a, Isua Krista zirtirnate hmangin inlungrualna leh mahni mihring puite tana ṭhat chhuah zir nawn lehna ni se a duh thu te a sawi bawk a ni
5:10 PM
Aarogya Setu mobile application a pawimawh chho zel dawn a, awm hmun sawn duh tan pawh a tangkai chho zel dawn: PM Modi
5:09 PM
Uttar Pradesh: Meerut-ah Covid-19 kâi damdawiina hruai tura ruat medical team-te tualchhung mi thenkhatin kut an thlak
5:08 PM
Uttar Pradesh: Natna lo lan chhuah nghak loin, in tinah screening neih tum a ni: State CM Uddhav Thackeray
4:57 PM
Jammu and Kashmir: Positive 10 an awm belh a, a vaiin 217 an awm tawh a ni
4:41 PM
Delhi State Cancer Institute-ah mi 21 an positive tawh avangin damdawiin hi khar rih a ni
4:40 PM
HCQ (Hydroxychloroquine) damdawi ramin a ngah tawk: Health Ministry
4:39 PM
Tamil Nadu CM on Covid-19
4:37 PM
Karnataka: Covid-19 case thar 7 a awm a, a vaiin 214 a awm tawh
4:35 PM
Rampumah darkar 24 chhungin case thar 1035 chhinchhiah a ni a, thi 40 an awm: Health Ministry
4:31 PM
West Bengal Police-in lockdown karah sakhaw thila punkhawm te, nitin mamawh ni lem lo dawr te pawh hawn an remti niin Home Affairs Ministry chuan a sawi
4:21 PM
Rapid Test tih theihna tur a lo la thleng lo a, ni hnih thum vel nghah a la ngai nia hriat a ni: ICMR
4:18 PM
Spain: Ni khata thi zat tlemin a tla hniam leh hret a, mi 510 an thi
4:17 PM
Maharashtra: Alibaug-ah nausen piang hlimin thawk lama harsatna a neih avangin a enkawltu Doctor-in bike in damdawiin dang a pan pui
4:14 PM
Karnataka CM Yediyurappa-a’n chawlhkar hnih lo awm tur chhunga lockdown kalpui dan tur leh tun chawlhkar 3 chhunga lockdown lo kal pui tawh dan a in ang dawn lo tih a sawi
4:13 PM
Hmun hrang hrangah medical lam mite tan buaina siam an awm thin avangin Home Affairs Ministry chuan doctor leh medical staff dangte police venhimna pe turin a ngen
4:11 PM
Ram pumah Covid-19 kai enkawlna bik damdawiin 586 siam a ni tawh a, dam lo khunghranna tur khum nuai khat chuang peih a ni tawh: Lav Agarwal (Health Ministry Joint Secretary)
4:08 PM
Maharashtra-a Covid-19 kai enkawl lai pakhat, Assam lam mi nia hriat chu amah a in ti hlum
4:02 PM
Madhya Pradesh CM-in lockdown pawhsei a duh thu PM a hrilh
3:57 PM
Delhi: Mundka leh a chhehvelah case thar 30 chhinchhiah a ni
3:45 PM
Zanin hian PM-in khua leh tuite tan thuchhuah a siam rin a ni
3:07 PM
Haryana: Tablighi Jamaat member mi 7 endik duh lo leh an chin thup vangin thubuai siam sak an ni
2:47 PM
Tamil Nadu: Coimbatore-ah mi pakhatin sanitiser a in avangin a thi a, zu in chak lutuk tawh vanga in nia hriat a ni
2:40 PM
Mumbai Dharavi-a Kasturba Hospital-ah Covid-19 kai enkawl lai kum 80 mi pa pakhat a thi
2:17 PM
Uttarakhand CM Trivendra Singh Rawat-a’n lockdown pawhsei a rawt
1:47 PM
Tun dinhmunah CM 11 zinga 10-in lockdown pawhsei PM hnenah an rawt tawh. Puan tawh angin vawiin hian PM Modi chuan state hrang hrang CM-te a kawm vek dawn a ni
1:22 PM
Arunachal Pradesh: ITBP 10th Battalion-in hmun hrang hrang damdawi hlo hmangin an ti fai
1:19 PM
Pakistan: Case 4700 chuang a awm tawh a, China-in medical thil mamawh bungrua a pe dawn
1:14 PM
Tamil Nadu: Eptu lam party lian ber, DMK hotupa Stalin-a’n state sorkar a ngen
1:10 PM
Test tih theihna hmun tam zawk a la ngai tih Punjab CM-in PM a hrilh
1:06 PM
Karnataka-ah case thar 7 a awm
12:52 PM
West Bengal CM Mamata Banerjee-in state sorkar kuta pawisa tam zawk pe turin sorkar laipui a dil
12:35 PM
Maharashtra CM leh Punjab CM te’n lockdown pawhsei an rawt
12:14 PM
Delhi CM Arvind Kejriwal-a’n April thla chhung chu lockdown pawhsei PM hnenah a rawt
12:04 PM
Maharashtra: Tabliqi Jamaat member pakhat Covid-19 kai enkawl lai damdawiinah a intihlum
11:54 AM
CJI hlui, Ranjan Gogoi-a nu Shanti Gogoi-i’n PM CARES Fund-ah cheng nuai 1 a pe
11:46 AM
US-in darkar 24 chhungin thi 2108 a nei
11:44 AM
Maharashtra: Darkar 12 chhungin case thar 92 chhinchhiah a ni
11:15 AM
UK PM Boris Johnson a dam chho zel a, thui lo te kein a kal a kal thei tawh
11:09 AM
PM Modi hoa state hrang hrang CM-te video conference meeting ṭan a ni
10:16 AM
Uttar Pradesh: Dasna Medical Superintendent test-ah a positive
09:59 AM
Rajasthan-ah case thar 18 a awm
09:56 AM
Surat: Hnathawk mi 80 vel an state-a haw duhte’n tawlai leh motor ke te an hal a, buaina an siam avangin thuneituten an man a, hren mek an ni
09:35 AM
Karnataka: Lockdown karah BJP MLA M Jayaram-a piancham a khaw nawtin lawm a ni
09:24 AM
Lucknow King George’s Medical University, KGMU-ah case thar 6 a awm belh a, 3 chu Lucknow mi an ni a, 3 dang chu Agra lam mi an ni
09:14 AM
Kerala: Covid-19 vangin mi pakhat a thih belh
09:11 AM
France rama Covid-19 thihpui zat chu 13,197 a ni a, nursing home-a awm tar leh kum upa zawkte an thi nasa hle a ni
09:00 AM
Indore: Mi 3 an thih belh a, thi tawh zawng zawng zat chu 30 a ni
08:58 AM
Jharkhand: Case thar 3 chhinchhiah a ni
08:33 AM
Agra: Case thar 3 chhinchhiah belh a ni
08:03 AM
US aṭanga an khua leh tui hruai haw tikhawtlai ramte hnenah VISA pek chhunzawm khuahkhirh a ni ang: President Donald Trump
07:36 AM
Mi chanhai zawkte ration pek laia thla lak Rajasthan sorkarin a khap
07:31 AM
Nimin khan South Korea chuan enkawl dam tawh nia ngaih mi engemawzat test-ah an positive leh tih a sawi a, natna hri (virus) hi an kai nawn ni lo in, an taksa-ah a nung ṭha leh nia an hriat thu leh an zir chian mek thu an sawi
07:29 AM
Brazil-ah mi 1000 chuang an thi tawh a, April thla laihawl hian a tam chhoh rin a ni
07:27 AM
Khawvel puma Covid-19 vanga thi zatin nuai khat a pel a, case mtd 1.6 a awm tawh
