Coronavirus related news and updates live blog by Zonet News Unit
12:00 AM
Mizoram sorkarin in lama hmaituamna siam, hman leh tihfai dan inkaihhruaina a siam;
• Facemask hi mipakhat tan 2 siam theih nise. Pakhat sukfai lai a a dang hman tur a awm nan.
• Facemask siam dawn hian a puan kan hman tur hi fai tak a suk tur a ni. Tui so ah 5 minutes tal chiah tur a ni a. Tuiso a chiah lai hian CHI (Salt) thlak tel a tha.
• Facemask siam hian ka leh hnar tha takin a khuh thei tur a ni.
• Facemask hi a letling (pawn lam chhung lamah) a, hman miah loh tur a ni.
• Facemask hman dawn hian kut fai taka sil tur a ni.
• Facemask hi a huh emaw a hnawng emaw a nih chuan a dang hman vat tur a ni.
• Vawi 1 hman hnu ah suk fai zel tur a ni
• Midang nen in hman tawm loh tur a ni.
• Insuk sahbawn leh tui hmangin fai taka su in, nisa ah darkar 5 tal pho tur a ni.
• Ni sa a pho-na tur a awm loh chuan – Pressure cooker ah facemask chu tui nen dahin 10 minute tal chhum tur a ni. A tui ah hian chi (salt) telh a tha bawk.
• Pressure cooker a awm loh chuan tui so ah 15 minute chhum theih a ni bawk.
• A chung a mi te hi kan ti theilo a nih chuan, Sahbawn-in fai tak a su in Istiri (Iron) in 5 minute nawh tur a ni.
12:00 AM
Mizoram: State sorkar-in pawn chhuak reng reng hmaituamna hmang turin a ngen a, mahni leh bula mite himna atan a pawimawh tih a tarlang bawk.
11:59 PM
Myanmar-ah Covid-19 case 12 chhinchhiah belh a nia a, vaiin 74 a awm tawh
11:55 PM
Myanmar Vice-President Henry Van Thio leh a nupui test-ah an negative. Myanmar sorkar thupuangtu, Zaw Htay chuan chuan an ruala test ve sample dang 30 pawh a vaiin a negative tih a sawi
11:54 PM
Myanmar Civil sorkar hotu, Aung San Suu Kyi-in midangte entawn atan tiin hmaituamna a ṭhui
11:50 PM
India hmarchhaka Mizoram mi leh sa tangkhang mekte Mizoram a hruai haw tura sawrkarin ruahmanna a siam mek chu India rampumah lockdown pawhsei a nih tak avangin kaltlangpui theih a ni rihlo (DIPR Mizoram)
11:45 PM
Central Sorkarin inkaihhruaina a tihchhuah zulzuiin Lockdown thawhhnihna hun chhunga Mizoram chhunga ni 100 inhlawh kalpui dan tur inkaihhruaina (Advisory) RD Dept in a tichhuak (DIPR Mizoram)
11:42 PM
Khawvel puma sakhaw zalenna zau zawka enzui tura US sorkar-in a din, US Commission on International Religious Freedom, USCIRF-in thu dik tawk lo a thehdarh niin External Affairs Ministry-in a sawi. USCIRF hian Pakistan mi Hindu leh Christian-te India-ah enhran an nih avangin ei tur pawh pek an ni ve lo niin a lo tarlang tawh a, hetiang tho hian Pakistan-ah pawh hnam hnuaihnung zawkte enhran an ni tiin a lo sawi tawh a ni. External Affairs Ministry chuan India-ah hetiang thil hi a thlen loh thu leh tunhnaia Gujarat chhunga civil hospital ṭhenkhatah sakhua azira inthliarna awm anga sawi chu thu dik lo a nih thu leh hei hi Gujarat sorkar pawhin a tarlan tawh thu a sawi bawk a, hrilêng do tura ramin a beih laia thil danga rilru an lo la peng chu ṭul lo an tih thu a sawi bawk
11:40 PM
Rajasthan-ah Covid-19 vanga thi 2 an awm belh a, a vaiin 13 an awm tawh
11:38 PM
Manipur-ah lockdown leh curfew bawhchhia mi 946 vawiin khan man an ni a, lirthei 683 hren a ni bawk
11:35 PM
Singapore: Case thar 447 chhinchhiah belh a ni a, a vaiin 3699 chhinchhiah a ni tawh a ni
11:35 PM
Iran: Rorelna in, Parliament-a report thehluh pakhata a lan danin Iran sorkar-in case awm zat a puanzar aiin a let deuh thawin case awm zat hi a tam a, vawiin lamah khan Iran sorkar hian case 76389 leh thi 4777 a awm niin a sawi a, heti chung pawh hian Middle East-ah chuan Coronavirus hluar berna a ni phak tho a ni
11:34 PM
Pakistan: Coronavirus case 6250 a awm tawh
11:17 PM
Uttar Pradesh: Doctor kutthlak vangin Moradabad-ah mi 17 man an ni
11:12 PM
Rajasthan sorkar-in April ni 21 aṭangin lockdown kalpui dan a thlak danglam dawn a, thil siam chhuahna hmun tam zawk hawn tum a ni
11:09 PM
British Airways-in UK khua leh tui 268 Kerala aṭangin a phur haw
11:04 PM
Odisha-ah MGNREGS hnuaia hnathawh chhunzawm tura ruahman a ni
11:03 PM
Rajasthan: Case thar 71 a awm belh
10:57 PM
Jaipur-ah Covid-19 kai enkawl lai pakhat a thi
10:53 PM
Karnataka-ah mi pakhat a thih belh a, state puma thi tawh zat chu 12 a ni
10:53 PM
Delhi-ah case thar 17 a awm belh a, a vaiin 1,578 a awm tawh
9:20 PM
World Health Organization, WHO hotupa, Tedros Adhanom Ghebreyesus chuan US-in a sum chhun luh ṭhin a hnuhdawh tak avanga an hna khaihlak thei an endik mek thu leh sum leh paia indaih lohna awm thei reng reng hnawh khah zel an tum thu a sawi
9:09 PM
Tamil Nadu-ah doctor kum 30 mi Coronavirus test pawh lo negative tawh chu dengue vangin a thi
9:01 PM
Delhi: Safdarjung B block chu luh leh chhuah khapna hmun (containment zone)-ah puan a ni
8:57 PM
G20 ramte’n ram rethei zawkte leiba rulh hun tura tuk sa a ngaihhnathiam dawn
8:54 PM
Ni 137 chhungin khawvel hmun hrang hrangah mi mtd khat-in Coronavirus an kai
8:49 PM
India-in Mauritius hnenah Hydroxychloroquine a mtd chanve a hralh, HCQ hi sorkar laipui chuan ram pawna hralh a la khuahkhirh chhunzawm tho a ni
8:33 PM
West Bengal: Covid-19 case thar 22 a awm
8:32 PM
Gujarat-ah case thar 71 a awm belh
8:21 PM
Darkar 24 chhungin Maharashtra-ah case thar 232 a awm belh, mi 9 an thi
8:12 PM
UK: Mi 761 an thih belh a, a vaia thi zat belhkhawm chu 12686 a ni
8:06 PM
Sorkar laipuiin hri hluar zualna hmun, hotspot-ah Chandigarh a puang
8:03 PM
Delhi: Max Saket damdawiina thawk Ghaziabad doctor pakhat test-ah a positive
8:01 PM
G7 ramten Coronavirus chungchang sawiho turin râl aṭangin an ṭhukhawm dawn tih White House-in a sawi, G7-ah hian Britain, Canada, France, Germany, Italy, Japan leh US-te an awm a ni
7:49 PM
Bihar: Doctor leh police beih vangin mi 44 man an ni
7:36 PM
Uttar Pradesh-ah case thar 69 a awm belh a, 51 chu Tablighi Jammat nen inzawmna nei an ni
7:18 PM
Vawiinah Mumbai-ah case thar 183 a awm belh tawh a, mi 2 an thih belh tawh bawk
7:11 PM
Rajasthan sorkarin a thlawnin loneitute thlai chi a pe dawn
6:41 PM
WHO sum chhun tihtawp vangin EU-in Trump a dem a, hrilêng dinhmun tichhe zualtu a ni thei tiin a sawi
6:37 PM
Union Cabinet meeting a ṭiak
6:36 PM
WHO sum chhunluh tihtawp vangin Russia-in US a dem
6:30 PM
Ram pawn lam mi tangkhangte an haw theihna tur ngaihtuah a ni dawn
6:29 PM
Tamil Nadu: Case thar 38 a awm belh
6:26 PM
Covid-19 vangin Kerala district hrang hrangah cancer vei enkawlna hmun 21 siam a ni tawh
6:14 PM
J&K: Covid-19 case 22 a awm belh
6:12 PM
ICMR-in coronavirus chhuahṭanna-ah bâk an rinhlelh thu leh natna hrik hi mihringa pakai thei turin bâk aṭangin a insiam danglam niin an ngai tih a sawi
6:09 PM
Tripura: Covid-19 kai hmasa ber enkawl dam a ni a, damdawiin aṭanga chhuah a ni tawh
5:55 PM
Ram pumah Covid-19 case 11,933 a awm tawh
5:52 PM
Ram pumah coronavirus awm lohna district 400 vel a awm: Harsh Vardhan
5:48 PM
Emirates Airline-in thlawhna ṭumhmunah rapid test a kal pui ṭan
5:46 PM
PM Modi chenna-ah Cabinet Meeting neih ṭan a ni
5:46 PM
Greater Noida: Kum 25-a upa mi pakhat an infiam laia a khuh avangin silaia kah hliam a ni
5:35 PM
2008-a Mumbai khawpui beihnaa mawhphurtu bera ngaih, Jamat-ud-Dawah hotupa, mi firfiak Hafiz Saeed-a chungchang thubuai chu Pakistan court-in thu leh awm hma chu ngaihtuah chhunzawm loh a rel
5:33 PM
Gujarat CM Vijay Rupani-a’n video conferencing hmagin Cabinet Meeting a chhim
5:30 PM
West Bengal: Pawl 11 zirlai zawng zawng pawl kai tir an ni dawn: Mamata Banerjee
5:28 PM
West Bengal-in an state pawn lama inhlawhfaa awm, tangkhangta te chhawmdawlna a pe dawn: Mamata Banerjee
5:27 PM
Assam sorkarin vawiin aṭang khan zu dawr zawng zawng a khar
5:18 PM
Sikkim-ah Coronavirus case a la awm lo
5:15 PM
Andhra Pradesh: Chittoor bialtu MLA Karnataka-ah mi 30 rual vel nen luh tuk an tum lai police-in an man
5:10 PM
India-in paracetamol mum mtd 3 Britain a pe dawn
4:57 PM
Uttar Pradesh: Moradabad-ah doctor leh medical mi ṭhenkhat lunga vawm an ni
4:53 PM
Darkar 24 chhungin case thar 1,076 a awm belh: Health ministry
4:52 PM
West Bengal: Hmun ṭhenkhatah hna thawh chhunzawm phal a ni a, hnathawk za zelah 15-in hna an chhunzawm ang a, an in thawh chhawk ang: CM Mamata Banerjee
4:48 PM
India: Vantlang zingah coronavirus a la darh lo: Health Ministry
4:47 PM
West Bengal sorkar hnuaia Deputy Secretary chunglam zawng April ni 20 aṭangin inchhawkin pisa an kai ang: CM Mamata Banerjee
4:40 PM
Health Ministry-in district 170 hotspot-ah a puang a, 207 dang non-hotspot-ah a puang. (Hotspot chu hri darh tamna hmun a ni a, non-hotspot chu Covid-19 case awmna, darh tam lem lo hmun a ni)
4:38 PM
Seychelles-ah India-in damdawi ṭhahnem tak a thawn a, heng zingah hian HCQ pawh a tel a ni
4:35 PM
WHO-a sum lut titawp rih tura thu a pek vangin China-in Trump a dem
4:33 PM
Steel Authority of India Limited (SAIL)-in Rourkeyla, Odisha-ah Covid-19 test theihna hmun a siam belh
4:32 PM
Delhi: High Court hnuaia court awm zawng zawng May ni 3 thleng an chawl rih ang
4:27 PM
Lucknow-a Daliganj Hospital luh leh chhuah theih loha khar rih a ni
4:26 PM
Ramchhung district hrang hrangte chi thuma thliar a ni dawn a, hri darh tamna, hotspot district leh, case awm si, hri darh tamna ni lo, non-hospot district leh hri laka fihlim, green zone district-ah te thliar a ni ang: Lav Agarwal (Joint Secretary, Ministry of Health)
4:21 PM
Hri darh tamna ni lem lo hmunahte chuan April ni 20 aṭangin khuahkhirhna thlah dul tum a ni
4:19 PM
Covid-19 darh tamna hmun, hotspot leh a awm lohna hmun, green zone chhinchhiah a ni a, hotspot-ah te chuan in tinah screening neih a ni ang: Health Ministry
4:15 PM
Khawvel pumah mtd 2 chuang Coronavirus case a awm tawh
4:14 PM
Arunachal Pradesh-a Covid-19 kai hmasa ber chu vawiin khan test-ah a negative a, hei hi vawi thum an test-na a ni
4:10 PM
Coronavirus awm belh lo tur leh, a awm lohnaa a thlen lohna atan ruahmanna siam turin District tin ngen an ni: Health Ministry
3:54 PM
Coronavirus hri venna vaccine zawng leh thehdarh turin EU-in sum a zawng
3:52 PM
Uttar Pradesh-ah Covid-19 case 727 a awm tawh
3:50 PM
Rajasthan-ah case thar 12 a awm belh
3:34 PM
Vistara-in a hnathawk hlunte hlawh la lova ni 3 chawlh la turin a ti leh
3:29 PM
Lockdown thlah dul thut lo tur leh, zawi zawia thlah dul pawhin chawlhkar hnih dana thlahdul turin WHO-in thurawn a siam
3:07 PM
Maharashtra-ah case thar 117 a awm belh
1:09 PM
Karnataka-ah case thar 17 a awm belh a, a vaiin 277 a awm tawh
1:31 PM
Gujarat: Congress MLA pakhat test-ah a positive a, nimin lamah CM Vijay Rupani hova an inhmuhkhawm avangin CM pawh hi test nghal a ni a, a inkhunghrang nghal bawk a ni
1:09 PM
Karnataka-ah positive 17 an awm belh a, state pumah 277 a awm tawh
1:06 PM
Mumbai Bandra-a mahni khua loa hnathawk punkhawm chungchang chhui turin state BJP hotu, Lok Sabha MP hlui, Kirit Somaiya-a’n Mumbai Police a ngen
12:48 PM
Bengaluru: Kum 69-a upa pakhat test a positive tih hriat a nih hnu lawkah a thi a, Karnataka pumah mi 11 an thi tawh a ni
12:32 PM
Madhya Pradesh-a state pawn lam mi, inhlawhfaa awm mekte cheng 1000 theuh pek an ni ang: CM Shivraj Singh Chauhan
12:01 PM
Meghalaya-ah positive 6 hmuh belh a ni a, an vai hian Covid-19 vanga thi ta, Dr John L Sailo-a lamhnai vek an ni
11:18 AM
April ni 20 hnuah MGNREGA hna thawh phal a ni dawn
10:52 AM
Middle East-a India khua leh tui tangkhangte hruai haw turin Rahul Gandhi-a’n sorkar laipui a ngen
10:07 AM
Mumbai: Dharavi-ah case thar 5 a awm belh
09:49 AM
Home Ministry-in lockdown thawh hnihna inkaihhruaina a chhuah
09:37 AM
Rajasthan: Case thar 29 a awm belh
09:08 AM
Mumbai: Medical lama thawk mi 10 test-ah an positive
09:02 AM
Madhya Pradesh: Indore khawpuiah case thar 121 a awm belh
08:53 AM
India-ah ni khat chhungin mi 377 an thih belh a, case 11000 chuang a awm tawh
08:36 AM
US-ah ni khat chhungin mi 2228 an thih belh
08:12 AM
US President Donald Trump-a’n World Health Organization (WHO)-a an ramin sum a chhung luh ṭhin chu titawp turin thu a pe ta. Puan tawh angin Coronavirus chungchanga WHO hmalak dan chu Trump hian a dem thu leh an sum chhunluh ṭhin chu tihtawp mai a duh thu thla tir lam khan a lo sawi tawh a ni
