He live blog hi tihtawp a ni tawh a, April ni 23 live blog en duh tan;
https://www.zonet.in/april23-liveblog/
April ni 22, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Enkawl lâi – 15859 (punna – 737)
Enkawl dam tawh – 3959 (punna – 700)
Thi zât – 652 (punna – 49)
Hmun danga pêm/insawn – 1
(punna hi April ni 21 tlai dar 5:00 thlenga chhinchhiah zat nen khaikhin a ni.)
11:36 PM
Italy: Covid-19 vanga thi zat 25,085 a tling
11:26 PM
Mumbai: Mizoram House-a thleng, Covid-19 kai hmasa ber nia ngaih chu test vawi hnih a zâwnin a negative a, damdawiin a chhuahsan dawn
11:08 PM
Odisha: Mosolman-te chaw nghei thla, Ramadan laiin ṭawngṭai emaw, khawthim ruala ruai ṭheh reng reng khap a ni
10:57 PM
Assam sorkarin an state chhunga private school zirlai zawng zawng fee za zelah 50-in tih hniam sak turin a hriattir
10:40 PM
Noida: Vawiinah positive 1 a awm belh a, a vaiin 103 an awm tawh. Enkawl dam 44 an awm tawh a, enkawl lai 59 an awm mek a, sample 2585 endik a ni tawh a, khunghran 466 an awm mek a ni
10:26 PM
Assam sorkarin Aprul ni 25 (inrinni) aṭangin an state chhunga tangkhangte chet vel a phal dawn
10:16 PM
Ghaziabad: Case thar 4 a awm belh a, a vaiin 50 a awm tawh
10:13 PM
Rapid Test-in Covid-19 Test pangngai (RT-PCR) a luahlan tur a ni lo: ICMR
10:05 PM
Mumbai-ah Covid-19 case 309 a awm belh a, a vaiin case 3754 a awm tawh a, mi 160 an thi tawh a ni
10:15 PM
Lebanon Refugee Camp-ah Covid-19 kai hmuh a ni. Hrilên ṭan tirh aṭang khan mi thiamte chuan heng hmunah te hian cheng an tam avang leh hriselna lam ngaihthah a nih ṭhin avangin Coronavirus hi a hlauhawm zual hle tih an lo sawi tawh ṭhin a ni
10:15 PM
Spain-in May thla chawhnu lam aṭangin lockdown tihtawp a tum thu Prime minister Pedro Sánchez-a’n a sawi a, May ni 9 thleng chu Emergency hlip rih lo turin sorkar thuneitu dangte a ngen thu a sawi bawk
10:15 PM
Germany: Covid-19 hri venna, vaccine mihringah enchhin ṭan a ni dawn
10:15 PM
Pope Francis-a’n EU ram hruaitute inlungrual turin a ngen. EU hian sum thawhkhawm leh a hmanna tur relin an ṭhukhawm leh dawn a, an ṭhutkhawm hmasak aṭang tawhin an thu a inhmu lo fo tawh a ni
10:15 PM
Japan lawng chawlhhmuna thleng cruise lawng pakhatachuang mi 34 test-ah an positive a, Cruise ship crew test positive, he lawng hi Costa Atlangtica, Italy ta a ni
10:15 PM
UK-a Coronavirus vanga thi zat chhinchhiah aiin a tam thei nia hriat a ni a, hei hi damdawiin leh Covid-19 test ti lem lo thi pung hluai atanga chhut a ni
10:15 PM
US state pakhat, Missouri-in Coronavirus hrilêng a chhâwn dana China khin a tum chu China-in behchhan nei lo leh dân tlawhchhan tur nei lo a ni a ti
9:50 PM
Delhi: A vaiin case 2248 a awm tawh a, mi 48 thi an awm tawh
9:35 PM
Rajasthan: Vawiinah case thar 153 hmuh belh a ni a, heng zinga 68 chu Jaipur-ah a ni
9:23 PM
ICMR-in plasma therapy hman Maharashtra a phal sak. Plasma Therapy hian a tum ber chu Covid-19 kai enkawl lai te hnena enkawl dam tawhte thisen pek a ni mai a, an thisena Covid-19 natna hrik do thei, antibody awm tawha ngaih chu, enkawl laiah hna thawk thei tura ngaih a nih avangin an pe a ni. Hei hi Covid-19 kai enkawlna atana ruahman a ni lo a, invenna pakhat atan chauh a ni a, a thawk ngei em tih pawh hi ram hrang hrangah mi thiamte’n an la zirchiang mek chauh a ni
9:13 PM
Noida: Case 103 a awm tawh
8:48 PM
Jharkhand: Case thar 4 a awm belh
8:36 PM
Inter-Ministerial Central Team (IMCT – sorkar laipui din, endiktu pawl) chuan West Bengal chhunga test kalpui dante, oxygen leh ICU dinhmunte report turin state sorkar a hriattir. Puan tawh angin tunhnaiah West Bengal sorkar leh sorkar laipui hi an inbakkaih deuh a, ICMT hian Coronavirus chungchanga West Bengal dinhmun leh state chhung hmun hrang hranga lockdown kalpui dante en thlithlai turin tirh an ni a, state sorkar hian a lo dawngsawng ṭha lo hle nia sawi a ni a, West Bengal chuan ICMT hian a biakrawn hmasak loh avangin lo inrin ngaihna engmah an nei lo niin a sawi ve bawk a ni
8:26 PM
Naktuk (April ni 23)-a Panchayati Raj Day hawnna neih lo tum tawh chu Covid-19 lockdown vangin neih theih a ni dawn lo a, PM Modi-a’n Village/Local Council (Gram Panchayat) hrang hrangte video conference kaltlangin hun a hmanpui dawn
8:21 PM
Gujarat: Covid-19 thihpui mi 8 an awm belh a, a vaiin mi 103 an thi tawh
8:20 PM
Uttar Pradesh: Case thar 112 a awm belh a, a vaiin 1449 a awm tawh
8:15 PM
Telangana: Case thar 15 a awm belh a, a vaiin 970 a awm tawh
7:53 PM
Maharashtra sorkar-in a hnathawkte hlawh ṭum hniha pek turin a sem sawm
7:46 PM
Delhi: Ambedkar Hospital-a damlo enkawl lai test-ah a positive avangin hnathawk mi 57 khunghran an ni
7:43 PM
Maharashtra: Case thar 431 a awm belh
7:28 PM
Bill Gates-a’n PM Modi lehkha thawnin Covid-19 do kawnga India hmalakna te a fak
7:20 PM
Hindu-te’n J&K-a an hmun thianghlim pakhat, Amaranath pûk tlawha an punkhawm ṭhin chu kuminah neih a ni dawn lo tih J&K sorkarin a puang
7:18 PM
Delhi: Head Constable pakhat test-ah a positive avangin police 71 khunghran an ni
7:13 PM
Mumbai: Dharavi-ah case thar 9 a awm belh a, a vaiin 189 a awm tawh
7:10 PM
Bihar: Case thar 5 a awm belh a, a vaiin 141 a awm tawh
7:05 PM
Tamil Nadu: Case thar 33 a awm belh
7:03 PM
Karnataka sorkarin media lam mi, 1000 chuang a test dawn
7:01 PM
Ireland PM, Leo Varadkar leh PM Modi-te an inkawm a, hrilêng a reh hnua harsatna awm hrang hrang thei hmachhawn dan turte an sawidun
6:38 PM
Karnataka: Case thar 9 a awm
6:33 PM
India: Coronavirus kai enkawl dam 3960 an awm tawh a, mi 652 an thi tawh
6:30 PM
India-ah Coronavirus case sing hnih chuang a awm tawh
6:22 PM
Iran: Vawiinah mi 94 an thih belh a, Covid-19 kai zat thar zat erawh a tlahniam
6:09 PM
Kerala: Case thar 11 a awm belh
5:53 PM
Thawtanni (27 April) hian PM Modi-a’n CM zawng zawng a kawm leh dawn
5:31 PM
Pakistan-in Covid-19 kai J&K-ah a suan lut nia sawi chhui chian a ni dawn: J&K DGP Dilbag Singh
4:33 PM
Darkar 24 chhungin mi 50 an thih belh: Health ministry
4:31 PM
Rampumah Coronavirus confirmed case 19984 a awm tawh a, mi 3870 enkawl dam an ni tawh: Health Ministry
4:28 PM
West Bengal CM Mamata Banerjee-in press mite a kawm – Rapid Test Kit 10,000 an neih chu a that tawk loh avangin an hmang zawm dawn lo, RT-PCR kit thenkhat tha tawk lo a awm bawk a, Antigen Kit erawh an nei lo, State Health Department-in kit hrang hrang a chah belh mek tih a sawi
3:51 PM
Health leh Medical mite laka tharum thawhna emaw rikrapna lam hawi reng reng pawm zam a ni dawn lo a, thubuai siam nghal zel a nih bakah a mawhphurtute bail theih an ni lo ang, lirthei emaw clinic emaw thil dang tih chhiatsak an nih chuan mawhphurtute hian a man hû let hnih an chawi ang: Prakash Javadekar
3:27 PM
Ram dinhmun chungchang sorkar-in press mite tana nitin a khaikhawm thin chu kar khatah vawi 4 zelah tih tlem a ni a, Press Release leh Cabinet Breifing hi ni inkarthlaka neih thin a ni tawh ang
3:11 PM
Doctor leh medical staff dangte leh Asha hnathawkte venhimna atan ordinance hmangin Epidemic Diseases Act, 1897 a siam tha a, health leh medical mite laka tharum thawh emaw, anmahni rikrap zawng emaw, enhrang reng reng an awm a nih chuan na taka hrem an ni tawh ang a, heng mite hi thla 3 atanga kum 1 thleng tan tir theih an ni bakah, tangka chawia hrem theih an ni ang a, cheng 50,000 atanga nuai 2 thleng chawi tir theih an ni ang: Union Minister Prakash Javadekar
3:03 PM
Rajasthan-ah case thar 133 a awm belh a, a vaiin 1868 a awm tawh
3:01 PM
Bihar-ah case thar 5 a awm belh a, a vaiin 136 a awm tawh: State health department
2:49 PM
Kerala: Kum 62-a upa Covid-19 kai chu ni 45 enkawl a nih hnuah damah puan a ni
2:35 PM
Assam-ah ni 7 chhung case thar a awm belh tawh lo: Himanta Biswa Sarma
1:50 PM
Maharashtra leh Delhi te hnungzuiin, Rajasthan-in media mite Covid-19 an kai leh kai loh a test dawn
1:26 PM
Sumdawnna tenau zawkte chhawmdawlna tur sorkar laipuiin a chhuah thuai beisei a ni
12:41 PM
Natna lang chhuak si loa Covid-19 kai an pung
12:06 PM
Delhi: Positive thar 2,186 a awm belh a, mi 611 damdawiin chhuahsan an awm
11:26 AM
Maharashtra: Darkar 24 chhungin case thar 553 a awm belh
11:23 AM
PMUY Beneficiary-te tan a thlawna LPG cylinder pek theihna ngai pawimawh turin Union Minister of Petroleum and Natural Gas, Dharmendra Pradhan-a’n LPG distributor-te a ngen
10:39 AM
Amit Shah nen an inkawm hnuah, IMA chuan lungawiloh lantir an tum an ṭhulh leh
10:07 AM
Pune: Covid-19 vangin mi 55 an thi tawh
10:01 AM
Mumbai Dharavi dinhmun zirchiang turin sorkar laipuiin mithiamte a tir dawn
09:23 AM
HQC (Hydroxychloroquine) hmanga enkawl damlo zingah thi an tam sawt hle
09:18 AM
Rapid Test Kit ṭha tawk lo nia ngaih chungchangah China sorkarin thawhdun zel a in peih tih India rama China sorkar palai, Ji Rong-i’n a sawi
08:41 AM
Health ministry update | Confirmed Case 19,984 a awm tawh a, thi 640 an awm tawh
