Sorkar laipuiin Arms Act 1959 hnuaia Arms Rules 2016 a siam tharin a phut angin air gun nei zawng zawngte pawhin an air gun kawl phalna licence an nei tur a ni tih bawhzuiin Lunglei Additional DC, Pu Benjamin Lalzama chuan vawiin khan he dan thar Lunglei District-a bawhzui a nih dan a thlirlet a, tun thlengin airgun nei DC Office-a in hriattir tawh chu mi 151 an tling tawh a, la in hriattir lo te chu inhriattir thuai tura ngen an ni. He dan thar ang hian sorkar laipui chuan airgun chi hrang hrang point 22 leh 177 te chu silai taka chhiara licence nei vek turin a neitute a tih avangin Mizoram sorkar pawhin Arms Rules 2016 hi a hmang tan ta a ni.
