Damdawi pangngaia thah theih loh, sikserh hrik chi thar, super malaria tia vuah chu Asia khawmualpui chhim chhak lamah a darh nasa hle niin mi thiamten an sawi a, khawvel huapa a darh mai a hlauhawm niin an sawi bawk. Bangkok-a Oxford Tropical Medicine Research Unit chuan he sikserh hi enkawl dam dan hriat a la nih loh thu leh, enkawl dam theih loh a nih hialte pawh an hlau tawh niin an sawi a, sikserh veite enkawlna atana hman \hin, artemisinin leh piperauine damdawi-te pawh he natna hrik hian a do let theih \an tawh avangin, dam chhuak sawi tur an tlem sawt hle tih an sawi bawk. He natna hrik lo chhuahna, Cambodia ramah chuan damlo za zela 60 dâwn lai enkawl hlawhchham an niin Prof. Dondorp chuan a sawi a, Vietnam-ah pawh damlo \henkhat chu enkawl dam theih an ni lo niin a sawi a n
