Wildlife Conservation-te hriattir an nih hnuah helai hmun hi panin him taka a chhuahna tur kawng an siam sak a, ramhnuai thleng an zui a ni.
Wildlife Trust of India-in a tarlan danin he sakei hi Kaziranga National Park a\anga meter 200-a hlaah hmuh a ni a, kawng a kan theih loh avangin a himna tura a hriat, kawng a\anga in hnai berah a lut a ni.
Wildlife Conservation-a hnathawktu, Rathin Barman sawi danin he sakei hi zing dar 7:30-ah inah hian a lut a, a chauh avangin nilengin a mu a ni.
In neitu Motilal chuan sakei an hmuh veleh an hlauh avangin in chu an tlan chhuahsan vek tih a sawi a, sakei mutna bed sheet leh lukhamte chu an vawn \hat tur thu a sawi.
Ramhnuaia Sakei an hruai chhuah hma hian kawng dan pin phawt a ni a, sakei muhil kaihthawh nan hian halpuah an hal a ni.
