Zirtawpni apianga tih \hin angin vawiin rorel inkhawmah hian Private Member’s Resolution sawiho a ni a, sawiho tura pawhfuh hi Pu Lalrintluanga Sailo putluh, ‘Tuikuk mahni duhthua Mizoram chhuahsan tate, Tripura State-a awm nghet tura kan Chief Minister zahawm tak hmalakna lo thlawhtling ta hi lawmawm kan ti’ tih a ni a, sawiho a nih hma hian Chief Minister Pu Zoramthang chuan he resolution hi a thu siam\hat a rawt a, a rawtna ang hian, ‘Bru mahni duh thua Mizoram chhuahsan ta te, Tripura state-a awm nghet tura Kohhran, NGO, political party hrang hrangte leh kan Chife Minister zahawm tak te hmalakna lo hlawhtling ta hi lawmawm kan ti’ tia sawiho a ni a, member 15 in an sawiho hnuah resolution hi lungrual taka pass a ni.
Motion sawihonaah hian Chief Minister Pu Zoramthanga chuan Bru te chungchangah anmahni hruaikir tumna \um tam tak a hlawh chham zel avangin Cabinet Meeting chuan hruai kir hna thawh chhunzawm tawh lo a rel a, hei hi Tripura-a an inbenbel hlen theihna chhan lian ber a ni a ti a. Cabinet thutlukna chu a lo tlang lo palh a nih pawhin PIL hmanga court-a thlen turin ruahmanna siam lawk vek a ni a, ukil thiamte pawh court-a thu thehluh tur ziahtir sa vek an ni a, Sorkar hminga PIL chu thehluh chi a nih dawn loh avangin a thehluttu tur pawh tihfel sa vek a ni tih a sawi.
(cm speech)
Tripura Camp hrang hrang paruk-a Bru awmte hi Mizorama hruaikir tuma hmalakna vawi tam tak a hlawh chham hnuah Tripura-a an awm hlen theihna tur hian January ni 16 khan New Delhi ah sorkar laipui, Mizoram leh Tripura sorkar aiawh leh Bru pawl hrang hrang aiawhten inremna thuthlung an ziak a ni.
