Vawiin Assembly Session ah kawng leh lei chhia chungchanga MNF Member Pu K Sang\huama Resolution putluh leh a siam\hat rawtna Congress member Pu R Vanlalvena putluh te sawiho a ni a. Pu R Vanlalvena putluh zawk pawm a ni. Private Member’s Resolution MNF Member, Pu K. Sang\huama put luh hi “Hun rei tak a\anga kawng leh lei chhia avanga harsatna kan tawh su kiang turin nasa lehzuala hmalak ni rawh se” tih a ni a, Congress Member, Pu R. Vanlalvena chuan he resolution siam\hatna tur “Hun rei tak a\anga kawng leh lei chhia avanga harsatna kan tawh su kiang tura sorkar hmalakna kal mek hi \ha kan ti” tih chu a pulut ve bawk a ni. Sawiho a nih hnuah Pu K. Sang\huama Resolution putluh ni lo zawk, Pu R. Vanlalvena Resolution putluh chu vote laa buk a nih hnuah pawm a ni. Speaker, Pu Hiphei kaihhruaia he Resolution buknaah hian rorel lai pawl member te chuan Pu R. Vanlalvena Resolution chu \ha an ti a, Opposition member te erawh chuan Pu K. Sang\huama Resolution chu \ha an ti thung a, Speaker chuan Pu R. Vanlalvena Resolution vote tu an tam zawk avangin chu chu pawm a ni ta zawk tih a puang a ni.
Resolution sawihonaah hian a pu luttu member pahnih, Pu K. Sang\huama leh Pu R. Vanlalvena te bakah Congress a\angin Pu K. Lalrinthanga, Pu PC Zoramsangliana, Pu KS Thanga, Pu VL Robiaka, Pu John Siamkunga, Pu Hmingdailova Khiangte, Dr. Ngurdingliana, Pu T. Sangkunga, Pu RL Pianmawia, House Leader, Pu Lal Thanhawla leh PWD Minister, Pu Lal Thanzara ten thu an sawi a, Opposition lam a\angin Pu Lalthanliana, Pu Lalruatkima, Pu Lalrinawma, Dr. K. Beichhua leh Opposition Group Leader, Pu Vanlalzawma ten thu an sawi a ni. Inrinni leh Pathianni ah te Session hi chawlhsan a ni ang a, ni 19, Thawh\annia chhunzawm leh a nih hun chuan hun hmasaah zawhna leh chhanna lak a ni ang a, chumi hnuah kumin sorkar kum, 2017-2018 chhunga sum indaihlohna phuhrukna tura Supplementary Demand Finance Minister-in a pharh tak Rs.22,86,35,61,000/-chu sawihova pass tum a ni ang a, hemi hnu hian nakkum sorkar kum atana budget ruahman a tlangpuia sawihona \an a ni ang.
