Scott Morrison chuan Victoria-a chengte an chenna hmun chhuahsan tura tih chu a tlai tawh vangin ruahmanna thar duan a ngai a ni a ti a, an himna tur rang taka ngaihtuah a ni a ti bawk. Victoria ram kangah hian mi tam tak chin hriat lohin an awm a, mi 1,500 vel te chenna a kangchhe vek bawk a ni.
Defence Minister Linda Reynolds chuan hun kal tawh zawng zawng thlirletin hetiang hi an rama a thlen \um khatna a ni a ti. Thuneitute chuan khua a lum chhoh zel vangin vawiin hi chhim chhak lama chengte tan a hlauhawm thei dawn hle tih sawiin, mipuite chu inralring turin an hriattir a ni.
Nikum September thla a\ang khan ram kang hi in\anin mi 23-in an thih phah tawh a ni.
