Mipui tangkhangte hi lawngleng hmangin lawng lian zawk pahnih, MV Sycamore leh HMAS Choules-ah te thiar kai an ni a, Mallacoota MP, Darren Chester chuan hetianga mipui hmun danga inbenbel ngai khawpa thiar chhuah an ngaih hi a ring phak ngai lo tih a sawi.
Mallacoota khua hi Thawh\an zan khan ram kangin a kan kai vangin mihring chengte leh khualzin mi 4,000 vel chu tuipui kam lamah an tlan chhia a ni. Lawng sipaiin an chhanchhuah te hi Western Port-ah dah an ni. Kangmei vang hian motor kawngpuia a kal theih loh vangin sipaiten helicopter hmangin kangmei tuar mipuite chu an chhanchhuak bawk a, amaherawhchu, kangmei vanga meikhu a nasat vangin helicopter hmanga inthiarchhuah a harsa hle a ni.
Kangmei tuarte chhanchhuak tur hian mi tam tak tlawmngaiin an inpe tawh a, Ningani zan khan mi 963 ten lawng an thawh a ni.
