He thu hi vawiina Selinga thuthar thehdarhtute an kawmnaah sawiin Pu R. Lalzirliana chuan, nikuma Champhai District Hospital-a Doctor dah ngiat avanga buaina thleng chungchangah Home Minister a nih angin remna sawi turin Aizawl a\anga lam kal tirh tuma hma an lakna chu Chief Minister, Pu Lal Thanhawla’n Home Commissioner hnenah \hulh tir turin a hrilh niin a sawi a, hemi avang hian remna sawitu tur pawh an kal ta lo nia sawiin, a hnuah Cabinet an \hutkhawmin CM hian a chhuahchhal leh a, remna sawi tura kal tir tuma hma an lakna chu pawi a tih thu a sawi niin a sawi a, mahse Home Minister a nih angin buaina chinfel chu a tih tur a nih avangin a chhan ve thu a sawi a, Champhaia buaina thleng avanga sorkar bungrua chhia pawh thawm \hat a phal lova, tun thlengin a chhia ang angin a la awm reng niin a sawi.
Pu R. Lalzirliana chuan Pu Lal Thanhawla hian Champhai mipuite a hmangaih lo hle niin a sawi a, an chunga ro a rel dan avangin he biala ding ngam tura a ngaih loh laia a ding ngam chu mak a tih thu a sawi a ni. Pu R. Lalzirliana chuan, Pu Lal Thanhawla leh a hoten amah leh Chalfilh biala MNF Candidate, Pu Lalrinliana Sailo chu tun inthlana a tlak theih nan a bik takin nasa takin an bei niin a sawi a, hemi avang hian mipuite pawhin Pu Lalrinliana Sailo nen an ding chhuak dawn em tih chu an zawhna niin a sawi a, Pu R. Lalzirliana chuan Congress-in ram a tihchhiat tungding turin Congress a\angin a chhuak a, inthlannaah pawh hnehna an chang ngei dawn niin a sawi. Pu R Lalzirliana chuan, HPC(D) nen inremna an siam chu inthlan hnuah eng party pawh sorkar se tihpuitlin a nih theih nan hmalak a \ul niin a sawi.
Pu R. Lalzirliana chuan Rev. Chanchinmawia thih chungchanga tun hnaia Congress thlifimin Pu Zoramthanga thil tih ni thei awma ngaih theih tura Chhinga venga Pu Thansanga puhna an rawn thar thawh leh chu pawi a tih thu a sawi a, Rev. Chanchinmawia thih dan chu CBI-te pawhin an chhui tawh a, Mizoram Police-te chhuina an endik hnu leh an chhungte thu hla an ngaihthlak hnuah chhuizui tlakah an ngaih loh avangin chhui zui a ni ta lo niin a sawi. Pu R. Lalzirliana chuan Rev. Chanchinmawia thih dan chungchang chu khatihlaia SP, Pu LT Hrangchal, tuna Chalfilh biala Congress candidate chu zawt mai turin mipuite thurawn a pe a ni.
Chalfilh biala MNF Candidate Pu Lalrinliana Sailo pawhin thusawiin Congress-in Rev. Chanchinmawia chungchang an rawn thar thawh leh chhan chu an zu zawrh mipuiin an duh loh an sawi leh lalchhungkua din tur ti ti tam tak awm a\anga mipui rilru lakpen tumna mai nia a ngaih thu a sawi a, Assembly-a Rev. Chanchinmawia chungchang an sawi \uma an thusawi pawh an hotuten sawi tur ziaka an pek a sawi mai niin a sawi. Pu Lalrinliana Sailo chuan, Congress leh BJP chu vai campaigner nei an nih thu a sawi a, an bial chhunga Congress-in Campaigner atana an rawn dah Manipur MLA ni lai an rawn dah chu Manipur Politics hri \ha lo a rawn keng lut ngeia a rin thu sawiin \ha lo a tih thu a sawi a, Pu R. Lalzirliana nen an tlak theihna tur a nih phawt chuan tui fimin a theih lo chuan tui nu pawh an hman mai tur thu Pu Lal Thanhawla’n a sawi nia sawiin sum hmangin tunah hian nasa takin beihpui an thlak niin a sawi a ni.
