Baghdad-a sorkar duh loh vanga lungawi lohna lantirnaah bomb chak tak a puak a, mi 2 an thih bakah midang 12 an hliam bawk. Sipai leh lungawi lohna lantirtute inbeihna bula lirthei dah pakhatah bomb hi kam nia hriat a ni.

October thla tir a\anga Iraq khawpui Baghdad-a lungawi lohna lantir a nih a\angin buaina neuh neuh chhuak \hin mah se, bomb puak erawh an vawi khat tawnna a ni tih Sipai thuchhuahin a tarlang a ni.

Zirtawpni khan Central Baghdad-a buaina chhuakah sipaiten silai an hmehpuah vangin mi 3 an thi a, mi 25 an hliam bawk. Heti chung hian Baghdad-a rorel lai paihthlak tumin mipuite chu an inhawrkhawm \ha leh a, Khilani Square luhchhuah tumin a hungna bang tihchhiat an tum a ni.