Mizo Students Union inkhawmpui-a rorel palaite hian MYC sum hman tur, Grand in Aid a pek \hin chu an duh khawp loh thu sawiin, Budget head hran siam sak a nih theih nan MSU in hma la rawh se tih an pass a, Sorkar zirna In-a physical education instructor mumal taka dah vek a nih theih nan hmalak te, College hrang hrangte’n zirlai admission fee atanga sorkara revenue an chhun \hin titawpa college tih hmasawnna tura hman a nih theih nana hmalak te, zirna in hrang hrangah Hnam lam leh zai inzirtirna hun mumal tak siam a nih theih nana hmalakte an rel bawk.
Nizana MSU Conference hawnna inkhawm hmanpuitu Sports Minister Pu Robert Romawia Royte chuan ramri humhalh leh venhim kawngah political party ham\hatna lak tuma beihchi a ni lo a, Mizo anga \anrualna tur a ni a ti a. Pu Robert Romawia Royte hian, zirlaite chu ruihhlo laka fihlim tur te, hlawhtling tlaka thawkrim tur tein a chah a, zirlaite chu sorkar hmalaknate zirchiang tura chahin thurawn pek an duh pawhin sorkar chu a in hawng reng a ni a ti.
