Mizo Zirlai Pawl hruaitute kaihhruaia Bairabi Zophaia Zofate Chawlhbuk sak tumtute chu vawiin chhun 11:45 vel khan Assam Police ten an kap a, mi pahnih kahhliam an nih bakah tianga an vuaknaah mi tam tak an hliam. Hliam tuarte hi Mizoram mi 49 an ni a, an zinga 8 na zual deuhte chu Kolasib damdawi inah vawiin chawhnu khan thawn an ni. Heng zinga a ke-a silaia kah MZP hruaitute zing a mi, Ricky Lalchhandama pawh hliam zingah hian a tel a, MZP President L Ramdinliana Renthlei pawh hliam zingah a tel a, Doctor te hnen a\anga thudawn danin hliam zingah hian thih hlauhawm khawp an awm lo a ni. Zophaia MZP inkulhna hmuna Taxi dah pakhat leh lirthei ke hnih nei chi dah pakhat bakah puan in kaihna atana an hman silpouline te chu Assam Police te hian an hal vek a ni. He buaina chhuah hnu hian hliam te leh MZP member Zophaia inkulhte chu Bairabi Thana lamah an kal vek a, an zinga mi tam tak chu Bairabi-ah an la awm a ni. Vawiin tlai khan Chief Minister Pu Lal Thanhawla chuan Party hrang hrang hruaitute ko khawmin Bairabi Zophaia thil thleng hi a sawipui a, Party hrang hrang zingah BJP leh ZNP aiawhte an tel a ni.
Vawiina Bairabi Zophaia Assam Police te chet dan hi a hmuna kal Vanglaini Reporter Malsawmdawngzela Hrahsel chuan hetiang hian a sawi.
Bairabi Zophai hmuna thil thleng chungchang hi nichin tlai khan Mizo Students Union hruaituten Chief Minister, Pu Lal Thanhawla an sawipui a. Assam Police-te chu tun a\anga darkar 24 chhung ngeia Zophai hmun a\anga inhnukdawk tura hrilh tur leh ramria buaina vanga hliamte chu Asam Sorkar-in zangnadawmna a pek theih nan hmala tura an phut thu an hrilh a. Chief Minister chuan, ramri buaina chu chinfel a nih theihnan chak taka hmalak mek a ni tih MSU hruaitute chu a lo hrilh a, he buaina hi Assam Chief Minister, Sarbananda Sonawal a sawipui tawh thu leh darkar 24 chhunga Assam Police-te insaseng tura hmalak an phut chu inhriathiamtawnna a insaseng ve ve phawt a pawimawh tih a lo hrilh a ni. MSU hruaitute nen an inkawm lai hian Assam Chief Minister, Pu Sarbananda Sonawal-a’n Pu Lal Thnahawla chu Telephone-in a rawn bia a, ramria buaina awm chu pawi a tih thu leh insaseng ve ve phawt chu thil tih tur hmasa nia a hriat thu a rawn sawi a. Chief Minister hian Chief Secretary, Pu Arvind Ray chu hmalak tawh chin zawtin, Assam Chief Secretary-in inbiakna neih an rawt thu leh hei hi Mizoram pawhin a pawm tawh thu sawiin, hun remchang hmasa berah inbiak a nih tur thu Chief Secretary chuan Pu Lal Thanhawla hi a hrilh a ni.
Hemi hnu hian MSU chuan Resolution siamin, Mizorama hnam dang awmte chu thuthar awm leh hma chu pawn chhuak lo tur leh Bairabi leh Sairang inkara relkawng siam mek chu chawlh san lailawk turin hnathawktute an hriattir a ni.
Thisen chhuak khawpa Mizo zirlaiten Assam police kut an tawrh hnu pawha an thlavang hauh ngam lovah Prism Party-in Sorkar a puh a, Chief Minister Pu Lal Thanhawla chu bang nghal turin an phut. Thuchhuah an siamah Prism chuan, zirlaiten Sorkar laka rinna nghat zo lova Mizoram humhalh tura kutruaka an che chhuak ngam chu chhuanawm an tih thu sawiin, Mizoram chin hum tum Mizo zirlaite chu Assam Police-in tharuma an dan hneh loh avangin silai meuh an hmet puak a, chuti chung chuan Mizoram police-te chu Sorkar-in an kut a phuarsak tlat tih an sawi a. He thil hian Pu Lal |hanhawla kaihhruai Congress Sorkar lakah Mizoram leh mipuite an him lohzia a tilang chiang hle tih an sawi. Prism chuan, an Manifesto-a an dah angin thuneihna an chang a nih chuan Mizoram, hnam leh sakhua humhalh turin theihtawp an chhuan dawn tih an sawi a, Assam Sorkar-in Innerline Reserved Forest, mel 509 bial a enkawl mek chu a theih ang anga lak let an tum dawn a, a \ula hman tangkai atan police pawh an thuam chak dawn tih an sawi.
Students’ Self-Support Union (SSU) pawhin Mizo Zirlai Pawl hmalaknaa Bairabi Zophai hmuna Zofate Chawlhbuk sak tum a nih avanga buaina chhuaka Mizo zirlai duhawm tak takin Assam Police kut an tuar chuan an rilru a tina takzet tih an sawi a. Hetiang thil a thlen chhan chu Mizoram sorkar-in ramri buaina a ngaihthah rei lutuk bakah tun hnaiah buaina a chhuak thei tih hrereng chunga hmalakna mumal a neih loh vang niin an sawi. SSU chuan, ramri buaina vanga Mizo Zirlaite leh khawtual mite mai bakah chanchinbumi thlenga hliam an tawrh hnu pawha Mizoram sorkar-in zirlaite leh Media-te thlavang hauhna \awngkam a nei lo chu mak an tih thu leh Sorkar an dem thu an sawi a. He thil thleng chungchangah hian SSU chuan an zirlai puite hmalakna chu a thlawp thu leh ramri buai chingfel tura a taka hma la nghal tura Mizoram sorkar an phut thu an sawi.
Bairabi South Branch YMA Emergency Meeting vawiin chawhnua neih chuan MZP-in Zophaia Zofate Chawlhbuk sak an tum chungchangah Bairabi Joint VC leh All NGO ten sorkar hmalakna nghah ni se tia thu an lo rel thluk tawh chu an thlawp tih an tarlang a, hemi rual hian Assam Police-ten zirlaite leh YMA Member-te kut an thlak te, silai hmanga mi \henkhat hliampui an tuar tir chu pawi an ti takzet tih sawiin, MZP hmalakna chu an thlawp tih an tarlang a, an Branch YMA Member zawng zawngte chu he thilah hian an thu chhuak ngaichang turin an ngen a ni.
Zophai hmuna buaina thleng chungchang hi vawiin khan Bairabi Jt. YMA-in a ngaihtuah nghal a. Zophai hmuna Zofate Chawlhbuk sa tura kal Mizo zirlaite Assam Police-in kutthlak a, Silai hial an hmeh puahnaah zirlaite leh YMA member-te an hliam chu n^ an tih thu an sawi a. MZP hmalakna kal zelah Bairabi Jt. YMA chuan a \ul angin a tawp thlenga a \awimawm tur thu an sawi a ni.
Bairabi Zophaia Zofate Chawlhbuk sak tumtu MZP member te Assam Police ten kut an thlak chungchangah hian Political Party hrang hrangte chuan thuchhuah siamin Assam Police te chetdan chu an dem thu an sawi a, MNF Party Office Bearers vawiin chawhnua Hnam R<na Emergency Meeting nei chuan resolution pass-in Assam Police ten zirlaite silai hial hmanga kut an thlak chu \ha lo an tih thu sawiin, Assam Police te chu an ram lama haw leh vat turin an phut tih an tarlang a, hetianga Mizoram mite chunga Assam sorkar a chet hnua zirlaite thlavang hauh lova sorkar a awm chu an dem takzet tih an tarlang a, hei hi dan leh thupek kenkawhna lama Mizoram sorkar hlawhchham zia tarlangtu nia sawiin Chief Minister, Pu Lal Thanhawla leh Home Minister, Pu R. Lalzirliana te chu bang turin an phut tih an resolution-ah chuan an tarlang a ni. Zirlai kahhliam leh vuak hliam te zangnadawmna pe ngei turin sorkar an phut a, MZP ten Zophaia Zofate chawlhbuk sak an tum chu an thlawp thu an tarlang bawk. MNF Party chuan Assam Police ten zirlaite kut an thlak leh lirthei an hal chungchangah hian Mizoram Larsap, Lt. Gen. Nirbhay Sharma chu inrawlh tur leh an lungawiloh thu Assam sorkar hrilh hre turin Larsap chu an ngen bawk a ni. He lehkha Larsap hnena an thehluhah hian hming ziaktu zingah inkhawm kaihruaitu MNF Sr. Vice President Pu Tawnluia, Pu Lalrinawma MLA leh Aizawl khawpui Mayor, Pu PC Lalhmingthanga te pawh an tel a ni.
Peace Accord MNF Returnees Association pawhin Emergency Meeting neiin he thil thleng chungchang hi vawiin khan an ngaihtuah a, Mizoram leh hnam humhalh tura \halaite \hangharh chu lawmawm an tih thu sawiin, ram leh hnam humhalh kawnga hmalatute zingah kut tuar an awm chu pawi an tih thu an sawi bawk.
