Chhattisgarh-a Durg district-a BJP hruaitu pakhat, Harish Verma-a chu ni thum chhunga a bawng vulh lai 27 an thih avangin man a ni. Harish Verma-a bawng in endiktu, he state-a bawng humhalhtu pawl, Rajya Gau Sewa Aayog chuan bawng inah hian bawng enkawlna hmanrua leh thil tul dangte a awm tha lo hle nia sawiin, hei hi bawng thih chhanah an puh a ni. Vawiin khan RGSA hian police hnenah FIR an thehlut a, police-te chuan bawhzui nghalin, BJP hruaitu hi dan ding lai tlawhchhana man a nih thu IGP, Dipanshu Kabra-a’n a sawi. Pu Verma-a hian Thawhlehni khan a bawng in hungna bang a chim nia sawiin, bang chim hian a bawng hi a delh hlum nual niin a sawi a, he bawng in hi sorkar puihnaa din a ni a, Durg Bawrhsap, Sanjay Agrawal-a chuan bawng thih chhan tak hi hriat a la nih loh thu leh chhui chian mek a nih thu a sawi a ni.
Chanchin Thar Bawng vulh lai thi vangin BJP hruaitu pakhat man
