Hongasandra Municipal Ward hi khawpui chhimchhak lama awm a ni a, mi 1,000 chuang an khawsa mek a ni. Mihring chengte zingah a tam zawk chu khawpui chhunga nitina inhlawhfa chawpa eizawng an ni a, an khawsak a harsa hlawm hle a ni.
Karnataka Medical Education Minister, Dr. K. Sudhakar chuan helai hmuna chengte chu endik vek an tum tih a sawi a, an zinga mi 184 te chu khunghran an ni tawh tih a sawi.
Coronavirus hi miretheite chenna hmunah a \aidarh chuan a buaithlak zual dawna ngaih a ni a, Asia khawmualpuia mi retheite chenna hmun zau ber, Mumbai Dharavi-ah pawh kar thum chhung lekin mi 200 chuangin an kai a, mi 3 an thi a ni.
Hongasandra-a coronavirus kai hmasa ber hi kum 54 mi a ni a, Bihar-a metro kawng siamnaah a inhlawh \hin a ni.
