Karnataka khawpui, Bengaluru-a Bellandur leh Varthur dil atangin bawlhhlawh leh damdawi lam chi thil hrang hrang inpawlh a phuan chhuak leh tawh a, hei hi Thawhlehnia ruah sur avang khan a nasa zual a, tum dang aiin a phuan nasa zual nia sawi a ni. Puan tawh angin, Bellandur leh Varthur dil-ah hian bawlhhlawh tinreng bakah, thil siam chhuahna hmunpui atanga paih chhuah, damdawi leh hlo chi hrang hrang a lut a, dil atang hian thil phuan bawlhhlawh tak a chhuak thin a, kawnga kalte leh motor thlengin a tibuai thin a ni. Vawiin khan state CM, Siddaramaiah chuan state sorkarin he thil hi a buaipui mek tih sawiin, kum hnih khat chhunga chin fel a nih tur thu a sawi a, mi thenkhat sawi danin, Varthur dil-ah phei chuan feet 10 chuanga sangin a phuan chhuak a, a chhehvela chengte chu pawnah pawh an chhuak tha ngam lo a ni.
Chanchin Thar Bengaluru-ah bawlhhlawh phuan chhuak leh
