Bengaluru-ah nizan khan thli leh ruahpui nasa takin a thawk a, thliin a len thluk, thing kungin motor pakhat a delh avangin mi pathum an thi. Police-te chuan he motor, Maruti Suzuki Esteem khalhtu hi kum 46 mi, Ramesh-a a nih thu leh, a nupui leh a unaupa pawh an chuan ve thu an sawi a, kawng sira an din laiin thing kung tlu hian a delh niin an sawi. Bengaluru-a thlipui tleh hian hmun hrang hrangah thil a tichhe nasa hle a, thingkung tluin motor dang pawh a tichhe nual a, kawlphetha pekna hrui leh bante pawh a chhiat bakah hmun hniam lai, Koramangala leh VV Puram-ah te chuan chenna in chhungah tui a lut nasa hle tih an sawi. Met Department director, Sundar Metri chuan Karnataka chhim lamah ruah a la sur belh dawn nia sawiin, mipuite chu fimkhur turin a chah a, thing kung hnaiha awm lo turin a chah bawk.
