Tun thla ni 6 khan high court single bench chuan BJP in Rath Yatra neih a dilna hi a lo phalsak tawh a, West Bengal sorkar chu Division Bench, Chief Justice Debasish Kargupta leh Justice Shampa Sarkar te \hutna division bench ah zualkoin hmanhmawh taka inrawlh turin a ngen a ni.
Ningani khan High court single bench, Justice Tapabrata Chakraborty chuan BJP ten Rath Yatra an neih hi a lo phalsak tawh a, December ni 7-a BJP President Amit Shah-a’n Cooch Behar a\anga rally hawn a tum erawh court tho hian a lo khap tawh a, chumi hnuah BJP hi Division bench ah a zualko leh a, division bench chuan chief secretary, home secretary leh DGP te chu BJP party aiawhte nena inrawn khawm tur leh december ni 14 ral hmaa an thutlukna court-a thehlut turin a ti a, State sorkar official te hian BJP in rally buatsaih an tum hi sakhua leh sakhua inkara buaina ti chhuak thei dawna a lan avangin an remti lo tih court hi an hrilh leh a ni.
Hetiang karah hian BJP chu Court ah hian a zualko nawn leh a, West Bengal sorkar pawhin hma a la ve leh ta nghal a ni.
