Thuchhuah an siamah MPCC hian, ‘Abide With Me’ tih hla hi hnam pa Mahatma Gandhi-a hla duh berte zing a mi a nih avangin Delhi-a Republic Day lawmnaah sipai chi thum – Army, Navy leh Airforce brass band-ten an tum \hin a. Kum 1950 a\ang khan kum 69 chhung chu Republic Day lawmna kharna rimawi atan hman a lo ni tawh \hin nia sawiin, kum a\ang hian ‘Vande Mataram’ hla hmanga thlak a ni dawn tih Defence lam hotuten an sawi chu pawi an tih thu an sawi. MPCC chuan, BJP-in Hindu lal ram din an tumna kal zelah kum tam tak Muslim leh Hindu sakhaw zuituten an inchuh Ayodhia hmunah Hindu temple dinna tur an tifel tawh a, Hindu sakhaw zuitute India-a a tam thei ang ber lakluh an tumna hmanrua Citizenship (Amendment) Act pawh ataka hman a ni tawh bawk a. Hei bakah hian India-a sakhua leh hnam hrang hrangte kalphung thlak danglam a, Hindu kalphung mila khaikhawm tumna Uniform Civil Code pawh kalpui an tum leh mek bawk nia sawiin, MNF-in kawng hrang hranga an thawhpui BJP-in hetiang taka Kristian leh hnam tenau zawkte rahbeh a tum hi a \ha lo hle a. Hetiang a ni chunga MNF-in an la thawhpui reng chu mak an tih thu sawiin,BJP thawhpui MNF chu Mizo hnam leh Kristian sakhaw zuitute tan zui reng tlak nia an ngaih loh thu an sawi.
