BJP Mizoram Pradesh hian vawiin khan Zarkawta Hotel Regency Conference Hall-ah State Executive Meeting hi an nei a, he inkhawm hi State General Secretary, Pu Vanlalhmuaka’n kaihruaiin, President, Prof. JV. Hluna’n inlawmna thu a sawi a. BJP Mizoram Pradesh-in resolution pahnih -Political Resolution leh Economic Resolution a siam chu lungrual takin an pawm a ni. He \hutkhawmna hmanpuitu BJP National General Secretary, Ram Madhav chuan, hmarchhak biala Party \henkhat leh tlawmngai pawlten Article 370 nuaibo a nih avanga Article 371 khawih tel tura ngaih dan an nei chu thu dik lo a ni, a ti a. Articel 371 khawih danglam a nih loh tur thu leh Prime Minister leh Union Home Minister pawhin khawih an lo sawi tawh tih a sawi. He inkhawmah hian Nagaland Dy. CM, Y Patton, Nagaland BJP President, Temjen Imna pawhin thu an sawi bawk.
BJP Mizoram Pradesh hian nimin tlai khan Gandhi Sankalp Yantra pualin Aizawlah kawng an zawh a, hetah hian an hruaituten hnam pa Mahatma Gandhi limah zahna pangpar an dah a, hemi hnu hian Chief Minister, Pu Zoramthanga an kawm bawk.
