BJP hotu hlun Mukul Roy-a chuan Diamond Harbour, Kolkata North, Kolkata South, Jadavpur, Basirhat, Mathurapur leh Joynagar-ah TMC worker te’n polling booth tam zawkah vote thlak phal lovin buaina an siam tih sawiin poling booth engemawzatah vote thlak \hat leh an phut tur thu a sawi a, TMC chuan sorkar laipui sipai te’n BJP hotute thupekin vote thlak tur te an tih\haihin, kut te an thlak niin an sawi thung. West Bengal BJP president Dilip Ghosh-a chuan TMC hotute chu hnehna an chan zawh an rin loh vanga hetianga hma la nia a rin thu a sawi a, Delhi-a BJP hotute chuan TMC worker te hian vote thlaktute an beih leh an hlauh thu sawiin EC chu model code of conduct hman anih chhung chu sorkar laipui sipai te West Bengal-a chamtir rih turin an ngen a ni.
CPI(M) state secretary Surya Kanta Mishra chuan TMC leh BJP te chu tharum hmanga buaina siamah a puh thung a, polling station engemawzatah vote thlak \hat leh an dil tur thu a sawi a ni.
