Aizawl khawpuiah chuan Bawngkawn Police Station Area huam chhunga YMA, Police leh Sector Magistrate te duty-na tur checkpoint siamna te chu Selesih, Muanna Veng, |huampui, Tuirial leh Folkland-ah te a ni a, veng hrang hrangah YMA te an duty dawn bakah Police Mobile Patrolling leh Magistrate duty tura ruat te an vei reng dawn a ni. Hetiang bawk hian Vaivakawn Police Station Area huam chhungah chuan Bawngkawn leh Edenthar inkara lanetawi an tihah te, Rangvamual leh Phunchawngah te a huhovin YMA, Police leh Magistrate te an duty ang a, hetihlai hian veng hrang hranga YMA duty te bakah Police Mobile Patrolling Party an vei reng dawn a ni. Kulikawn area-ah chuan YMA leh Police te duty hona tur chu Hlimen, Melriat leh Chite-ah te a ni a, Zampuimanga lung leh Folkland inkar kawngpui leh a chhehvelah pawh Police Mobile Patrolling Party an vei reng dawn bawk a ni. Police hotute hnen a\anga thudawn danin zu rui leh buaina siam man te chu dim an ni lovang a, zu an ruih leh ruih loh breath analyzer hmangin awlsam taka finfiah a ni ang a, hren zui ngaite chu hren zui a, a \ul dan a zira Krismas leh kumthar lawm chhunga hren zui ngai pawh an awm thei dawn a ni.
Hetiang bawk hian District Hqrs khawpui hrang hrangah te pawh Police leh tlawmngai pawlte an duty dawn a, zu rui, ruihtheihthil dang leh ruihhlo te pawh dap zui nghalin thil \ha lo ti tute man chhuah an tum dawn a ni. Lawngtlaiah chuan Police leh Magistrate te hi YLA-in an duty pui dawn a, Siahaah chuan tlawmngai pawl lian ber M|P-in Police leh Magistrate te hi an duty pui dawn a ni. Lirtheia chetsualna a thlen loh nan Duty te hian lirthei khalh dan dik lova khalhte, rui chunga khalh te an man dawn bawk a ni.
