Bruno Covas chuan an khawpui damdawiin-a khum awm za a sawmkua chu hnawhkhah a ni tawh a, kar hnih hnu velah chuan hmun ruak a awm tawh lo ang tih a sawi. Sao Paulo hi an ram khawpui zinga hrileng tuar nasa ber a ni a, mi 3,000 dawn an thi tawh a ni. Inrinni khan Brazil chuan Spain leh Italy te chu leh pelin khawvela hri kai tam ram 4-na a ni tawh a, mi 2,41,000 in an kai mek a, US, Russia leh UK te dawtah a awm a ni.
Damdawi lam thiamte chuan Brazil hian endikna an neih tam tawk loh avangin an chhinchhiah zat aiin hri kai hi an tam daih zawk a rinawm tih an sawi.
Hetihlai hian, Brazil president Jair Bolsonaro chu an rama coronavirus hrileng darh chak tak a enkawl danah ram chhung leh pawn atangin dem a hlawh hle a ni. Pathianni khan damdawi lam thiam te thurawn pek social distancing pawi sa lovin amah thlawptute leh naupangte nen an khawpui Brasilia ah thla an la ho a ni.
