Assam Health Minister, Himanta Biswa Sarma chuan vawiin chawhnu dar 2:00 khan Press Conference a nei a, COVID-19 positive case thar 4 an hmuh thu a sawi a, an vai hian Delhi Nizamuddin-a mosolman inkhawm chhimtu zing ami an nih thu a sawi bawk. Damlo te hi an vaiin Guwahati Medical College damdawiinah enkawl mek an ni a, kum 19, kum 46, kum 55 leh kum 60 mi an ni.
Hei bakah hian Jorhat Medical College-a test 5 zinga 4 pawh first screening-ah positive an ni a, en nawn leh turin Pune-a National Institute of Virology-ah sample thawn a ni tih a sawi bawk.
