BRO-in ramriah kawng siam zawh thuai tum

Doklam-a India leh China sipaite inep avang khan, Defence Ministry hnuaia ramria kawng siamtu pawl, Border Roads Organisation chuan buaina thlen thulha sipaite tana vei vah a awlsam zawk nan kawng hi siam zawh thuai an tum niin sorkar hotuten an sawi. China ramri hrula kawng, India-China Border Roads chu tun aia thui zawka siam a nih dawn bakah, kawng siamna hmanrua pawh tun aia rintlak leh tha zawk hman tum a ni a, hei hian hna thawh chhung pawh a tirei lo hle dawn niin an sawi. India leh China ramri chin chhinchhiahna, Line of Actual Control-ah hian ICBR 73 vel ruahman a ni a, heng zinga 61 hi BRO kuta dah niin, BRO hian kawng 27 vel a siam zo tawh a, ICBR dang 12 hi chu pawl leh company dangten an siam dawn a, kum 2021-ah chuan a vaia zawh fel hman beisei a ni.